काठमाडौँ । नुवाकोटको बेलकोटगढी नगरपालिकामा पनि यतिबेला स्थानीय निर्वाचनको सरगर्मी बढिरहेको छ । सत्ता गठबन्धन र एमालेको प्रतिस्पर्धा हुने बेलकोटगढी सत्तागठबन्धनमा रहेको माओवादी केन्द्रको भागमा परेको छ । गठबन्धनले विदुरको नगरप्रमुखमा कांग्रेसलाई र बेलकोटगढीमा माओवादी केन्द्रले पाउने सहमति गरेको छ ।
यसैबीच बेलकोटगढीमा माओवादी केन्द्रबाट आधा दर्जनले मेयरको लागि दाबी गरिरहेका छन् । यसभन्दा अघि पनि नगरप्रमुखको उम्मेदवार रहेका जगत लामाको चर्चा निकै छ । स्थानीयले समेत साझा व्यक्तिको रुपमा लामालाई बुझेका छन् । नगरवासीले विगतमा गल्ती गरेकाले यसपालि भनें लामालाई नै मेयरमा उठबाउन दवाव दिइरहेका छन् । लामा मेयरमा उठेपछि दायँबायाँ केही नहेरी मतदान गर्ने स्थानीयको भनाई छ । उनलाई जिताउन पर्ने कारणसहित यतिबेला सामाजिक सञ्जाल र टोल तातेको अवस्था छ ।
बेलकोटगढीलाई कस्तो बनाउने, यहाँको जनतालाई कसरी समृद्ध बनाउने, विकासका पूर्वाधार कसरी अघि बढाउने, राज्य स्रोतबाट मात्रै नभइ दातृ निकायलाई समेत साथमा लिएर स्वदेशी र विदेशी लगानी भित्रयाएर नमुना बेलकोटगढी नगरपालिका बनाउने भिजन, मिसन र दृढ संकल्प जगत लामासँग रहेको छ । उनी यसअघि मेयर हारे पनि जनताको सेवामा भनें लागिरहेका छन् । उनले अघि बढाएका योजना यस्ता छन् –
१) समाजवादी क्रान्तिका लागि युवा, श्रमजिवीलाई समेटेर नगरवासीको चाहना पूरा गर्न जगत
२) बेलकोटगढी नगर उर्बरभूमि भएकोले विशेष कृषि क्रान्तिमा अग्रगामी छलाङ मार्न जगत ।
३) एक घर, एक युवा रोजगारीको सिर्जना गर्न जगत । कसैले हस्पिटलमा उपचार नपाउँदा पनि जगत ।
४) आपतविपतमा पहिलो सम्झिने नाम जगत ।
५) कोही गरिबीले विद्यालय जान नपाउँदा सहयोगी बने र बनिरहने छन् जगत ।
६) बेलकोटगढीमा भ्रष्टाचार, बेथितिलाइ परास्त गर्न सक्ने जगत ।
७) हर समस्या गुनासो सामाना गर्न, माओवादीलाई बेलकोटगढीमा अझै माओवादीमय बनाउन जगत ।
८) नेतादेखि कार्यकर्तासम्म हरसाथ सहयोगमा जगत ।
९) जनताको घरघरमा खोजिने नाम हो जगत ।
१०) स्कुल–स्कुलमा जगत ।
११) टोल–टोलमा खोजिने जगत ।
१२) हर समस्यामा पर्ने दुःखी, गरिब, दलित, जनजाति लगायत सबैले पहिले सम्झिने नाम हो जगत ।
१३) आज बेलकोटगढीमा माओवादीलाई यो स्थानमा पुर्याउने, विशेष युवाहरुबीच माओवादी पार्टीप्रति आकर्षक बढाउने जगत ।
आजसम्म जगत लामाले आफू रित्तिएर या सकिएर पनि माओवादीलाई यो स्थानमा पुर्याउनु ठूलो योगदान गरेका छन् । जगत लामाले बेलकोटगढीमा आफ्नो उचाइभन्दा पनि माओवादी केन्द्रलाई अग्लो उचाइमा पुर्याएका छन् ।
‘ म माओवादीको मान्छे हुँ तर पनि राजनीतिक आस्थाका आधारमा कहिल्यै कसैलाई विभेद गरेको छैन र गर्दिन पनि ’ उनी भन्छन् ‘सबैको चाहना र इच्छा पूरा गर्न नै म मेयर बन्नु परेको हो ।’ उनी उम्मेदवार भइरहँदा उनले ‘न्यूट्रल’ मत पनि आफूले प्रशस्तै पाउने दाबी गरेका छन् । उनले अरु स्थानीय तहभन्दा यसलाई उत्कृष्ट बनाउने र देशैभर उदाहरण बनाउने योजना पनि अघि सारेका छन् ।