काठमाडौं । शनिबार राति ८ बजे सुर्खेतबाट कालिकोट हुँदै जुम्लाका लागि छुटेको बस दैलेखमा दुर्घटनाग्रस्त भएको छ । दुर्घटना हुँदा एक जनाको मृत्यु भएको छ भने सात जना घाइते भएका छन् ।
कर्णाली राजमार्ग अन्तर्गत दैलेखको दुल्लु नगरपालिका–१ दारेभिरमा बस दुर्घटनामा परेको हो । यात्रुबाहक बस अनियन्त्रित भएर दुर्घटनामा परेको प्रहरीले जानकारी दिएको छ । ना ६ ख ९२२ नम्बरको बस दुर्घटना हुँदा एक जनाको मृत्यु भएको प्रहरीले जानकारी दियो । मृतक अछामका हुन् ।
प्राप्त जानकारी अनुसार ७४ वर्षीय भक्तबहादुर शाहीको मृत्यु भएको जिल्ला प्रहरी कार्यालय दैलेखका डीएसपी अनुपम श्रेष्ठले जानकारी दिनुभयो ।