‘क्या जमाना आ’ सीजन २यूट्युबको ट्रेन्डिङमा

२०७८ भाद्र १० गते, बिहीबार

काठमाडौं– सीपी पुडासैनीको निर्देशनमा तयार भएको हास्य श्रृंखला ‘क्या जमाना आ’ सीजन २ को पहिलो भागले दर्शकको मन जितेको छ ।

गाईजात्राको दिनदेखि प्रसारण प्रारम्भ भएको उक्त श्रृंखला यूट्युब ट्रेन्डिङमा समेत उक्लिएको छ ।
श्रृंखलाको टाइटल गीतमा शशिविक्रम थापाको र सीपी पुडासैनीको संगीत निर्देशन रहेको छ ।

यो श्रृंखलाको पहिलो सीजन दर्शकमाझ अत्यन्त लोकप्रिय भएको थियो ।

केशव सापकोटा श्रृंखला निर्देशक रहेको यो श्रृंखलामा सी पी पुडासैनी, केशव सापकोटा, शेखर चापागाईं, जोसना सुबेदी, सिताराम दाहाल, एलिना श्रेष्ठ, दिपु खड्का, जगदिश अधिकारी, रश्मी श्रेष्ठ, रोमा बिष्ट, आयुसा कार्की, श्याम कार्की, नविन निरौला, उमाकान्त सापकोटा आदि कलाकारले अभिनय गरेका छन् ।शर्मिला चौलागाईं निर्मात्री रहेको यो श्रृंखला माता पिता प्रोडक्सनले तयार पारेको हो ।

श्रृंखलाका अधिकांश दृष्यको छायांकन काभ्रे जिल्लाको पात्लेखेतमा गरिएको छ ।

बिहिबार यो श्रृंखला ट्रेन्डिङको ४४ स्थानमा छ ।

‘क्या जमाना आ’ को दोस्रो सीजनको प्रसारण प्रत्येक सोमबार राति सवा ९ बजेदेखि योहो टेलिभिजन तथा चीरञ्जिबी प्रसाद पुडासैनी युट्युब च्यानलबाट एकै साथ प्रसारण भैरहेको छ ।

दोस्रो सजनको पहिलो भाग झण्डै एक लाख पटक हेरिएको छ ।