काठमाडौं । पूर्बराजा ज्ञानेन्द्र शाहले असार २३ गते पर्ने आफ्नो जन्मदिनलाई यसबर्ष उत्सवकारुपमा नमनाउने घोषणा गरेका छन् ।
सरकारले प्रभावकारी ढंगले पहल गर्न नसकेकै कारण जनताले कोरोनाको खोप उपचार पाउन नसकेर कतिपय नेपाली निराश भइ रहेको भन्दै पूर्बराजाले जन्मदिनलाई उत्सवका रूपमा नमनाउने निर्णय गरेका हुन् ।
शाहले राजनीति, राज्य प्रणाली एवं राजकाजको प्रवन्ध र व्यवस्थापन संक्रमण, संकट र अन्योलको अवस्थामा देखा परेको पनि उल्लेख गरेका छन् ।
पूर्वराजा ज्ञानेन्द्र शाहले परिवर्तन र अग्रगमनका चर्का नारा घन्काएपनि जनताले सुखको अनुभूति गर्न नपाएको बताएका छन् । ‘परिवर्तन र अग्रगमनका चर्का नारा घन्काएर जति नै रुपान्तरण गरे पनि जनताले ठोस सुख सुविधा नपाइरहेको बुझिएको छ ’, पूर्वराजाले हिजो बुधबार एक विज्ञप्तिमार्फत भनेका छन्, ‘आफ्ना मूल्य, मान्यता तथा अस्तित्वलाई समाप्त पार्ने तर सही सिर्जना र सार दिन नसक्ने, आज नेपाली जनताको मन अशान्त रहेको छ ।’