काठमाडौँ । नेपाली कांग्रेसका सभापति शेरबहादुर देउवाले १४औँ महाधिवेशनमा आफू सभापतिका लागि लडि छाड्ने बताएका छन् ।
आइतबार बागमती र गण्डकी प्रदेशका आफूनिकट केन्द्रीय सदस्यहरुसँगको छलफलमा देउवाले यस्तो बताएका हुन् ।
नेताहरुले यसअघि लामो समय साथ दिएका निधि नै सभापतिको उम्मेद्वार हुँदा आउन सक्ने परिणामका बारेमा सचेत हुन सुझाएपछि देउवाले निधिसँग कुराकानी गर्ने र त्यसबारे धेरै चिन्ता नलिन भनेका हुन्।
केन्द्रीय सदस्य चिनकाजी श्रेष्ठले पनि निधिलाई सकेसम्म आफ्नै टिममा ल्याउन कोसिस गर्ने देउवाले बताएको जानकारी दिए। सभापति देउवाको भनाइ उद्धृत गर्दै उनले भने, ‘उहाँलाई सम्झाइबुझाइ गर्ने हो। तर म चाहिँ छाड्दिँन तपाईंहरु लाग्नुहोस्।’