काठमाडौँ । नेपालमा पछिल्लो २४ घण्टामा थप ७ हजार ९१४ जनामा कोरोना भाइरस संक्रमण पुष्टि भएको छ । गत २४ घण्टामा थप ७ हजार ९१४ जनामा कोरोना पुष्टि भएको स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गौतमले जनाएका छन् ।
मन्त्रालयका अनुसार १८ हजार ९६५ पीसीआर र ९३१ एन्टिजेन परीक्षण गरिएकोमा ७ हजार ९१४ जनामा संक्रमण देखिएको हो । यससँगै कुल संक्रमितको संख्या ५ लाख १३ हजार २४१ जना पुगेको मन्त्रालयले जनाएको छ ।
पछिल्लो २४ घण्टामा थप ७ हजार ६६४ जना कोरोनामुक्त भएका छन् । योसहित निको हुनेको संख्या ३ लाख ९१ हजार ३४८ जना पुगेको छ ।

२४ घण्टामा थप १९३ जना कोरोना संक्रमितको मृत्यु भएको छ । यससँगै हालसम्म मृत्यु हुनेको संख्या ६ हजार ३४६ जना पुगेको मन्त्रालयले जनाएको छ ।