काठमाडौँ । एमाले नेता रामबहादुर थापालाई राष्ट्रपति विद्यादेवी भण्डारीले पुनः गृहमन्त्रीमा नियुक्त गरेकी छिन् ।
राष्ट्रपति भण्डारीले आइतबार थापालाई गृहमन्त्रीमा नियुक्त गरेकी हुन् । राष्ट्रपतिको कार्यालयका प्रवक्ता रुपनारायण भट्टराईले विज्ञप्ति जारी गर्दै प्रधानमन्त्री केपी शर्मा ओलीको सिफारिसमा थापालाई नियुक्त गरिएको उल्लेख गरेका छन् ।
संघीय संसद्ले थापाको सांसद पद रिक्त गर्न माग राखी माओवादी केन्द्रले बुझाएको पत्र आइतबार स्वीकृत गरेकोमा प्रधानमन्त्री ओलीले उनलाई आजै पुनः नियुक्त का लागि सिफारिस गरेका थिए । थापाले साँझ ५ बजे राष्ट्रपति भवनमा सपथ लिने भएका छन् ।