काठमाडौं । बल्खुको सुकुम्बासी टोलमा एक महिलाको हत्या भएको छ। सोमबार साँझ साढे ७ बजे प्रहरी पुग्दा टहराको घरमा एक महिलाको शव बोरामा पोका पारिएको अवस्थामा शव फेला परेको हो।
मृतक अन्दाजी ३३–३३ वर्षीया सन्तोषी श्रेष्ठ सापकोटा हुन्। उनका श्रीमान सन्तोष सापकोटा भन्ने यज्ञ सापकोटा फरार रहेको अनुसन्धानमा संलग्न एक प्रहरीले जानकारी दिए।
सन्तोषीको टाउकोमा हथौडाले हानेर हत्या गरिएको उनले बताए। उनीहरू पछिल्लो समय बौद्धमा बस्दै आएका थिए। सोमबार भने उनीहरू बल्खु पुगेका थिए।
देवर तेजबहादुर सापकोटाले रगत बगेको देखेपछि उनले प्रहरीलाई खबर गरेका थिए। शव तन्नाले बेरेर फ्लास्टिकले बेरेर फेरि बोराभित्र राखिएको थियो, प्रहरी स्रोतले भन्यो घटना अन्दाजी ५–६ बजे नै भएको हुनुपर्छ। हामीलाई करिब साढे ७ बजे खबर भयो।
उनका अनुसार उनीहरूबीच घरायसी विवाद थियो। त्यही भएर श्रीमानले हत्या गरेर फरार भएका हुन् कि भन्ने प्रहरीको आशंका छ। यद्यपि श्रीमान पक्राउ परेपछि मात्रै यसबारे थप जानकारी हुने प्रहरीले बताएको छ।
उनका श्रीमान यज्ञ सापकोटा पहिले पनि ६ महिना जेलमा बसिसकेको अनुसन्धानमा संलग्न अर्का प्रहरी अधिकृतले जानकारी दिए। अहिले उनको खोजी भइरहेको प्रहरीले जनाएको छ।