काठमाडौँ । नेपाली कांग्रेसका केन्द्रीय सदस्य डा. मीनेन्द्र रिजालले सरकारको असंवैधानिक कदम सच्चिएपछि निर्वाचनमा जान कांग्रेसले डराउनु हुँदैन भनेका छन् । सोमबार काठमाडौंमा आयोजित ‘वर्तमान राजनीतिक चुनौती र अवसरः नेपाली कांग्रेसको भूमिका विषयक अन्तर्क्रियामा डा. रिजालले असंवैधानिक कदम नसच्चिदासम्म भने निर्वाचनमा जान नसकिने बताए ।
‘संविधान ठिक ठाउँमा आयो । सर्वोच्च अदालतले सही निर्णय गर्‍यो भने मंसिरमा निर्वाचनमा जाने विषयमा पार्टीले सोच्‍चुपर्छ,’ डा. रिजालले भने ।
प्रतिनिधि सभा विघटनका विषयमा व्यक्तिगत रूपमा नेताहरूका केही फरक धारणा आए पनि पार्टी संस्थागतरूपमा यो कदम अलोकतान्त्रिक र असंवैधानिक हो भन्‍नेमा एकढिक्का रहेको बताए ।