काठमाडौ । आधुनिक निमार्ण सामाग्रीबारे बुझ्न राष्ट्रिय पुननिर्माण प्राधीकरण केन्द्रिय आयोजना कार्यान्वयन एकाई (भबन) जिल्ला आयोजना कार्यान्वयन एकाई भक्तपुर अन्तर्गतका इन्जिनियरहरु शुक्रबार गोर्खा इको प्यानल उत्पादन गर्ने कारखानामा पुगेका छन् । नयाँं निर्माण सामाग्रीको रुपमा रहेको गोर्खा इको प्यानलबारे बुझ्न उनीहरु इको प्यानल उत्पादन गर्ने कारखाना भक्तपुरकै चाँंगुनारायण नगरपालिकास्थित हनुमानचा पुगेका हुन् ।
बुधबार र विहीबार राष्ट्रिय पुननिर्माण प्राधीकरण केन्द्रिय आयोजना कार्यान्वयन एकाई (भबन) जिल्ला आयोजना कार्यान्वयन एकाई भक्तपुरको कार्यालय सल्लाघारीमा सैद्धान्तिक जानकारी लिएका उनीहरु गोर्खा इको प्यानलबारे अझ नजिकबाट बुझ्न शुक्रबार कारखानामा पुगेका हुन् । उनीहरुलाई गोर्खा इको प्यानलका महाप्रबन्धक इन्जिनियर जीवन खाईतु र गोर्खा इको प्यनलका प्रोजेक्ट हेड इन्जिनियर कृष्णसुन्दर कुम्पाखले गोर्खा इको प्यानलको विशेषताहरुबारे प्रयोगात्मक रुपमा देखाएका थिए । उनीहरुलाई गोर्खा इको प्यानलको फायर प्रुफ, एन्टी इम्प्याक्ट (प्रतिरोध क्षमता), भार थेग्ने क्षमतालगायतका विषयहरुबारे प्रयोगात्मक देखाइएको थियो । इको प्यानलमा पेट्रोल छर्केर बाल्न लगाउँंदा पनि इको प्यानल नबल्ने, इको प्यानलले आफनो भारको तुलनामा कम्तीमा तीन गुणा भार थेग्न सक्नेलगायतका विशेषताहरुबारे प्रयोगात्मक प्रदर्शनी गरिएको थियो । त्यस क्रममा इको प्यानल जडान प्रविधिबारे पनि उनीहरुलाई प्रयोगात्मक रुपमा देखाइएको थियो । भ्रमणपछि इन्जिनियरहरुले भ्रमणबाट आफूहरुलाई नयाँं प्रविधिको रुपमा आएको इको प्यानल प्रविधिबारे पनि जानकारी पाएर काम गर्न सकिजो हुने विश्वास लिए ।

कार्यक्रममको क्रममा राष्ट्रिय पुननिर्माण प्राधीकरण केन्द्रिय आयोजना कार्यान्वयन एकाई (भबन) जिल्ला आयोजना कार्यान्वयन एकाई भक्तपुर सल्लाघारी कार्यायलका इन्जिनियर रोशन केशरी र आर्किटेक्ट विभा सैंजूलाई गोर्खा इको प्यानलका महाप्रबन्धक इन्जिनियर जीवन खाईतुले मायाको चिनो प्रदान गरेका थिए ।
गोर्खा इको प्यानलका प्रमुख कार्यकारी अधिकृत (सीईओ) इन्जिनियर सुरेश कवांले भूकम्पपछिको पुननिर्माणमा सहयोग गर्ने उद्देश्यका साथ दुई दिने तालिम र एकदिने फ्याक्टी भिजित कार्यक्रम गरेको जनाए । अवका दिनमा पनि यस्ता कार्यक्रमहरुलाई निरन्तर अगाडि वढाउँंदै लाने योजना रहेको सीईओ कवांले सुनाए ।
गोर्खा इको प्यानल स्थायी तथा अस्थायी संरचनामा भित्री तथा वाहिरी पार्टेशन वालको रुपमा इटाको विकल्पको रुपमा प्रयोग हुने आधुनिक निर्माण सामाग्री उत्पादन कम्पनी हो । भूकम्पप्रतिरोधी तथा हलुका हुनुलगायतका कारण यसको लोकप्रियता देशैभरि वढ्दो रहेको छ ।