काठमाडौं । जनता समाजवादी पार्टीका संघीय परिषद् अध्यक्ष तथा पूर्वप्रधानमन्त्री डा. बाबुराम भट्टराईले चुनावको गाडी कुदाउने रहरले ठूलो दुर्घटना निम्त्याउने बताएका छन् । भट्टराईले ट्वीटरमा लेखेर प्रधानमन्त्री केपी शर्मा ओलीले प्रतिनिधि सभा विघटन गरेर संविधानरुपी लोकमार्गमा पहिरो गएको बताएका हुन् ।
मन्त्रिपरिषद्को सिफारिसमा गत पुस ५ गते राष्ट्रपति विद्यादेवी भण्डारीले प्रतिनिधि सभा विघटन गरी आगामी बैशाख १७ र २७ मा चुनावको मिति तोकेपछि त्यसको विरोधमा जसपा आन्दोलनमा छ ।
‘ओलीप्रतिगमनले संविधानरूपी लोकमार्गमा ठूलो पहिरो ल्याएको छ। पहिरो मर्मत नगरी चुनावको गाडी कुदाउने रहरले झन् ठुलो दुर्घटना ल्याउनेछ,’ उनले लेखेका छन्, ‘२०१४ सालमा संविधानसभाको निर्वाचन सट्टा महेन्द्रले जारी गरेको संविधान मानेर चुनावमा जॉदा बिपीले खाएको धोका नबिर्सौं १ २०१७ पछिका तुलसी गिरी, केशरजंग नबनौं !’