काठमाडौं । प्रधानमन्त्री एवं नेकपा अध्यक्ष केपी शर्मा ओलीको अनुपस्थिति विनै नेकपा स्थायी कमिटी बैठक शुरू भएको छ ।
दिउँसो १ बजेका लागि तय भएको बैठकमा ओली नपुगेपछि प्रचण्डले नै बैठक शुरू गरेका छन् ।
बैठकमा कार्यकारी अध्यक्ष पुष्पकमल दाहाल ‘प्रचण्ड’ लगायत नेता सहभागी छन् । पार्टी विवाद जटिल मोडमा पुगेका बेला स्थायी कमिटी बैठक शुरू भएको छ । ओली सहभागी नभए पनि ओली पक्षीय नेताहरू भने बैठकमा सहभागी छन् । प्रचण्डका प्रेस सल्लाहकार विष्णु सापकोटाले बैठकको अध्यक्षता प्रचण्डले गरिरहेका जानकारी दिए ।
स्थायी कमिटी बैठकलगत्तै मंसिर २५ गतेदेखि नेकपा केन्द्रीय कमिटी बैठक बस्दैछ । पार्टी कार्यालय धुम्बाराहीमा प्रहरी र सशस्त्र प्रहरी व्यापक परिचालन गरिएको छ ।