नेपालगञ्ज । नेपालगञ्जस्थित धम्बोजी चोकमा पूर्वराजा वीरेन्द्रको शालिक राख्न खोज्दा प्रहरी र स्थानीयबासीहरुबीच झडप भएको छ । पूर्वराजा वीरेन्द्रको शालिक राख्न खोज्ने समूहलाई प्रहरीले रोकेपछि झडपको अवस्था आएको छ ।
प्रहरीमाथि ढुंगामुढा भएपछि अश्रुग्याँस र हवाई फायर गरिएको जिल्ला प्रशासन कार्यालय बाँकेका सहायक प्रमुख जिल्ला अधिकारी हरिप्रसाद शर्माले बताए ।
प्रहरीले बाध्य भएर केही राउण्ड हवाई फायर गरेको जानकारी दिँदै केही प्रहरी घाइते भएको बताए । प्रहरीले ५ राउन्डभन्दा बढी हवाई फायर गरेको छ । स्थानीय प्रशासनले पूर्व राजाको शालिक राख्न नदिने आदेश गरेपछि प्रहरीले पूर्वराजा समर्थकलाई रोकेको थियो ।