काठमाडौं । नेकपा एकीकृत समाजवादीका नेता झलनाथ खनालले बालेनहरूले राज्य गरे राजनीतिक दलको अस्तित्व समाप्त हुने बताएका छन्। आगामी आर्थिक वर्षका लागि सरकारले ल्याएको नीति तथा कार्यक्रममाथिको छलफलमा सहभागी हुँदै नेता खनालले यस्तो बताएका हुन्।

दलहरू संविधानको मर्मअनुसार अघि नबढ्दा राजनीतिक दललाई संकट पर्ने उनको भनाइ छ। ‘संविधानको मर्मअनुसार अघि बढेनौँ भने इतिहासमा पछि पर्छौँ। र धेरै बालेनहरू जन्मनेछन्। बालेनहरूले राज्य गर्नेछन्। दलको अस्तित्व समाप्त हुँदै जानेछ,ु नेता खनालले संसदमा भने।

उनले यो संसदको अन्तिम भएको भन्दैमा संविधानको मर्म र दिशा निर्देशनलाई छोड्न नमिल्ने उल्लेख गरे। नीत तथा कार्यक्रममा भूमिसुधारको कुरा नभएको समेत उल्लेख गरे।