रुपन्देही । नेकपा (एकीकृत समाजवादी)का अध्यक्ष एवं पूर्व प्रधानमन्त्री माधवकुमार नेपालले आगामी निर्वाचनपछि केपी ओलीको पार्टीलाई लाइट वालेर खोज्नुपर्ने अवस्था आउने बताएका छन् ।
शनिबार अर्घाखाँचीमा कार्यकर्ता भेललाई सम्बोधन गर्दै अध्यक्ष नेपालले अहिलेको गठबन्धन निर्वाचनसम्म रहने बताएका हुन् ।
एमाले अध्यक्ष केपी शर्मा ओलीले संविधान विपरीत दुई÷दुई पटक संसद विघटन गरेपछि अहिले बहुमत ओलीको पार्टीको विपक्षमा रहेको नेपालको दावी छ । नेपालले केही समयअघि सम्पन्न राष्ट्रियसभाको निर्वाचनमा रामबहादुर थापासँग कलम चिन्हका स्वतन्त्र उम्मेदवार खिमलाल देवकोटाले पराजित गरेको स्मरण गराउँदै कलम चिन्हको विजयी यात्रा शुरु भैसकेको वताए । उनले सरकारमा बस्नेले गलत बाटोमा जान छुट नभएको उल्लेख गर्दै भ्रष्टाचार गर्नेलाई जोसुकै भए पनि कारबाहीको दायरामा ल्याउनुपर्ने बताएका हुन् ।