काठमाडौं । नेपाल चलचित्र प्राविधिक संघ तथा ड्रिम हाई नेपालको संयुक्त आयोजनामा सम्पन्न हुने १० औं संस्करणको ‘एलआइसी नेफ्टा फिल्म अवार्ड’ उत्कृष्ट अवार्ड कार्यक्रम बनाउने प्रयास भैरहेकोे इभेन्ट निर्देशक कमल जिसीले बताउँनु भएको छ ।
इभेन्ट निर्देशक जिसीका अनुसार कार्यक्रमको सम्पुर्ण तयारी लगभग पुरा भैसकेको र कार्यक्रममा प्रस्तुती दिने कलाकारहर, उद्घोषक लगायत कार्यक्रममा आआफ्ना प्रस्तुति दिने कलाकारहरुले नाचघर जमलमा रिहर्लसल गरिरहेको छ । कार्यक्रमको कोरियोग्राफी नरेशविर सिंह लगायतले गर्नेछन् । कार्यक्रममा महानायक राजेश हमालको विशेष प्रस्तुति रहने छ भने साथमा सोभित बस्नेत, सलोन बस्नेत, सुरक्षा पन्त, जेबिका कार्की, रिश्ता बस्नेत, फरिता खड्का लगायत दर्जन चर्चित कलाकारहरुले विशेष प्रस्तुति दिने आयोजक संस्थाले जनाएको छ । यही फागुन २९ गते शनिवार होटल सोल्टीमा आयोजना हुने अवार्ड समारोहलाई माल्भिका सुब्बा, सन्दिप क्षेत्री, संजोग बस्यालले सञ्चालन गर्ने छन् । (प्रशिक्षार्थी पत्रकार)