काठमाडौं । चन्द्रागिरि हिल्स लिमिटेडको ११ औं बार्षिक सधारण सभा यही पौष २९ गते चन्द्रगिरि हिल्स रिर्सोट सम्पन्न भएको छ । कम्पनीका अध्यक्ष चन्द्रप्रसाद ढकालको सभापतित्वमा सम्पन्न साधारण सभामा कम्पनीको वित्तिय अवस्था, मुख्यउपलब्धि तथा कम्पनीको भावी योजना प्रस्तुत गरिएको थियो ।
साधारण सभाको अवसरमा, चन्द्रागिरि हिल्स लिमिटेडले स्थानीय तथा सर्वसाधारणको लागि आह्वान गरेको साधारण सेयरमा आवेदन दिनु हुने सम्पूर्ण आवेदकहरुलाई केवलकार यात्रामा २५ प्रतिशत छुटको व्यवस्था गरेको छ । चन्द्रागिरि हिल्स लिमिटेडको साधारण शेयरमा भएको उल्लेखनीय सहभागिता तथा कम्पनीप्रति देखाउनु भएको विश्वास अनि सबैलाई शेयर पर्ने सम्भावना न्युन रहेको हुँदा सम्पूर्ण आवेदकहरुको सम्मान गर्दै कम्पनीका अध्यक्ष ढकाकले यो योजना सार्वजनिक गरिएको जानकारी दिनुभयो । स्थानीय वासिन्दा तथा सर्वसाधारणका लागि खुल्ला गरिएको शेयरमा आवेदन दिनुहुने १२, ५६, ७४६ आवेदकले शेयर भर्दाको कुनै न कुनै प्रमाण छुट सुविधाकालागि टिकट काउन्टरमा देखाउनुपर्नेछ । साथै यो योजनामिति २०७७ माघ ०५देखि १ बर्ष सम्मको लागि मान्य हुनेछ ।