काठमाडौँ । नापी कार्यालय डिल्लीबजार ३ नम्बर नापी टोली माछापोखरीका प्रमुख डिल्ली बहादुर वली ९ लाख घुससहित पक्राउ परेका छन् ।

अख्तियार दुरूपयोग अनुसन्धान आयोग, टङ्गालको टोलीले उनलाई वसुन्धाराबाट नियन्त्रणमा लिएको अख्तियारका प्रवक्ता सुरेश न्यौपाने जानकारी दिए । छुट जग्गा दर्ता सिफारिससहितको मिसिल पत्र भूमि प्रशासन कार्यालय, मनमैजुमा पठाउनका लागि सेवाग्राहीसँग अनावश्यक सास्ती र दुख हैरानी दिई घुस माग मागेको भन्ने सूचना तथा उजुरीका आधारमा अख्तियारको टोली खटिएको थियो।

अख्तियारको टोलीले उनलाई सेवाग्राहीबाट ९ लाख रुपैयाँ घुस लिइसकेको अवस्थामा टोखा नगरपालिका–५, वसुन्धारा चोकस्थितबाट नियन्त्रणमा लिएको हो। नापी अधिकृत वलीलाई विशेष अदालतमा पेश गरेर थप अनुसन्धान भइरहेको न्यौपानले जनाए ।