वीरगन्ज। पर्साको वीरगन्ज महानगरपालिकाका प्रमुख -मेयर) राजेशमान सिंह पक्राउ परेका छन्।

उनलाई जिल्लाको सीमावर्ती क्षेत्र ठोरीबाट प्रहरीले नियन्त्रणमा लिएको हो। जिल्ला प्रहरी कार्यालय र मातहतको विशेष सुरक्षा टोलीले उनलाई ठोरी आसपासको क्षेत्रबाट नियन्त्रणमा लिएको प्रारम्भिक विवरण प्राप्त भएको छ। लामो समयदेखि विभिन्न विवाद र अनुसन्धानको घेरामा रहँदै आएका मेयर सिंहलाई कुन निश्चित कसुर वा मुद्दाको सिलसिलामा पक्राउ गरिएको हो भन्नेबारे प्रहरीले आधिकारिक रूपमा विस्तृत विवरण सार्वजनिक गरिसकेको छैन।

यद्यपि, केही समयदेखि उनीमाथि लागेका गम्भीर आरोपहरू र उजुरीका आधारमा अदालतबाट अनुमति लिई वा तत्काल अनुसन्धानका लागि नियन्त्रणमा लिइएको हुनसक्ने अनुमान गरिएको छ। ठोरीमा नियन्त्रणमा लिइएका मेयर सिंहलाई अहिले कडा सुरक्षाका बीच जिल्ला प्रहरी कार्यालय ल्याउने तयारी भइरहेको छ।