धादिङ । राष्ट्रिय संगीतकर्मी संघ जिल्ला कार्यसमिति धादिङको ८ औं वार्षिक साधारणसभा साथै वृहत् साँस्कृतिक कार्यक्रमको अवसरमा संघका बागमती प्रदेश सचिव तथा करण ड्रिम्श फाउन्डेसनका सभापति करण तामाङ सहित एक दर्जन बढीलाई सम्मान गरेका छन् ।

थाँक्रे गाउपालिका २ सिम्लेको द क्लिफसाइड रिसोर्ट धादिङमा शनिबार संस्थाको धादिङ जिल्ला अध्यक्ष एवम् लोकप्रिय गायिका रजनी लामाको अध्यक्षता र थाँक्रे गाउपालिका जनप्रतिनिधि गाउँपालिका अध्यक्ष रामकुमार आचार्यको प्रमुख सम्बोधनमा सम्पन्न भएको कार्यक्रमका बिच सम्मान गरेको हो । संघका केन्द्रीय अध्यक्ष बहुचर्चित गायक प्रकाश कटुवाल, केन्द्रीय सचिव रुपक परियार, प्रदेश अध्यक्ष दावा फिन्जो तामाङ लगायतलाई सम्मान गरेको बताएको छ । देशको सबै जिल्लामा संघका जिल्ला शाखाहरु विस्तार भैसकेको छ जसमध्ये धादिङले ८ औँ वार्षिक साधारणसभा सम्पन्न गरेको हो ।

बेलायत, दुबई, जापान, कोरिया, मलेसिया, अमेरिक लगायतका देशहरुमा पनि संस्थाको विदेश शाखाहरु विस्तार भैसकेको र उत्कृष्ट कार्यक्रमहरु मार्फत फट्को मार्न सफल देखिन्छ । करण यसै संस्थामा आवद्व रहेको एक दशक नजिक पुगेको देखिन्छ । वि।सं। २०७४ सालमा नुवाकोट जिल्लाको संस्थापक सदस्यका रुपमा आवद्व रहेको थियोे ।

नुवाकोटको नगरपालिका, गाउँपालिका र वडा शाखा विस्तार र गठनमा करणले विशेष भुमिका निर्वाह गर्दै नुवाकोट जिल्ला राष्ट्रिय संगीतकर्मी संघमय बनाएको थियोे । दुई कार्यकाल सचिवमा रहेर प्रभावशाली ढंगले काम गर्दै जिल्लामा सबैको मन जितेसँगै बागमती प्रदेशको सचिवमा उमेदवारी दिएको थियो । बागमती प्रदेशमा पनि निर्वाचित भएर एक कार्यकाल बागमती प्रदेशमा पनि पूरा गरिसकेको छ । उनी नेपाल टेलिभिजनबाट प्रसारण गर्ने टेभिसिरियलहरुमा निर्देशक तथा कलाकारको रुपमा लामो समय काम गरेर अनुभवी कलाकर्मीका रुपमा लिन सकिन्छ । उनले शिक्षा संकायमा स्नातक पूरा गरे पनि हाल आईटी सम्बन्धि कामलाई अघि बढाएको छ ।