काठमाडौं । इन्टरनेट सेवा प्रदायक सजिलो नेटले लोकगायक बद्री पंगेनीलाई आफ्नो आधिकारिक ब्राण्ड एम्बासडरको रूपमा चयन गरेको छ।

उनीसँगको सहकार्यसँगै सजिलो नेटले देशभरका ग्राहकसँग आफ्नो सम्बन्धलाई अझ प्रगाढ बन्न मद्दत पुग्ने विश्वास गरेको छ । कम्पनी उच्च गतिको भरपर्दो इन्टरनेट सेवा सुलभ मूल्यमा प्रदान गर्ने लक्ष्यका साथ अगाडि बढिरहेको सजिलो नेटले जनाएको छ ।

सजिलो नेटका लागि इन्टरनेट केवल प्रविधिमै सीमित छैन, यो हाम्रो संस्कृति, परम्परा र जनजीवनलाई जोड्ने एउटा महत्वपूर्ण माध्यम पनि हो, सजिलो नेटका प्रमुख कार्यकारी अधिकृत, सतीश कार्कीले भने, बद्री पंगेनीज्यूको संगीतले जस्तै हामी पनि नेपालीहरूबीचको दूरी घटाउँदै सबैलाई सरल, सुलभ तथा सुपथ इन्टरनेट सेवा मार्फत जोड्ने प्रयास गरिरहेका छौँ।
पंगेनीले पनि इन्टरनेट आजको जीवनशैलीको अभिन्न अङ्ग बनिसकेको उल्लेख गर्दै यस ब्राण्डसँग जोडिन पाउँदा खुसी लागेको बताए ।