काठमाडौ । मन खुसी फाउण्डेशन बागमती प्रदेश, करण ड्रिम्स र दुप्चेश्वर म्युजिक प्रा.लीको प्रस्तुतिमा महिला सशक्तीकरण, सामाजिक परिवर्तनको निमित्त “मिस एण्ड मिसेस बागमती २०२४“ को फाराम खुलेको छ ।

कार्तिक पहिलो हप्ता अडिशनसँगै तालिम सुरु गर्ने बताइएको छ । तालिममा सामाजिक समस्याको सामना र समन्वय, उदघोषण कक्षा, भाषाण कला कक्षा, नेतृत्व विकासको अभ्यास, आत्मा रक्षाको तालिम, क्याट वाल्क, र्याम वार्क, मोडलिङ कक्षा, श्रृङ्गारका कक्षाहरु सञ्चालन गर्ने आयोजक समितिका अध्यक्ष दिनेश तामाङले जानकारी दिएको छ । पन्ध्र देखि चालीस वर्ष सम्मको महिला दिदिबहिनीहरु उल्लेखित कक्षाहरु लिएर बलियो दरिलो र दक्ष बनेर आफूलाई प्रमाणित गर्ने अवसर यही मिस एण्ड मिसेस बागमती २०२४ को मञ्च भएको दावी गरेका छन् ।

उपाधि हात पार्नेहरुले अन्तर्राष्ट्रिय टुर, अन्तर्राष्ट्रिय कार्यक्रम, म्युजिक भिडियो र गीत रेकर्ड, अवार्ड, ट्रफि, प्रमाणपत्र, गिफ्ट ह्याम्पर, स्यास लगायतका धेरै कुराहरु प्राप्त गर्नेछन् । उपाधि जित्नु भन्दा महिला दिदिबहिनीहरुलाई हरेक क्षेत्रमा सक्षम बनाएर अगाडि बढ्न सक्ने बनाउने दिनेश तामाङले जानकारी दिएका छन् । कार्यक्रमको अध्यक्षमा कलाकार निर्देशक, मोडल साथै दुप्चेश्वर म्युजिक प्रालिका
प्रमुख दिनेश तामाङ रहेको छ भने कार्यक्रम निर्देशक तथा संयोजकमा कलाकार निर्देशक, लेखक, उदघोषक, कराँते राष्ट्रिय निर्णायक साथै मन खुसी फाउन्डेसन बागमती प्रदेश सभापति, करण ड्रिम्सका संस्थापक अध्यक्ष करण तामाङ रहेको छ ।