मकवानपुर । नेपाली काँग्रेसका नेता शेखर कोइरालाले वर्तमान सरकार यही स्थितिमा रहे देश अप्ठ्यारोमा पुग्ने बताउँदै शेरबहादुर देउवाकै नेतृत्वमा सरकार गठन हुनुपर्ने बताएका छन् ।

प्रधानमन्त्री पुष्पकमल दाहाल ‘प्रचण्ड’ले जातीय र धार्मिक तथा सामाजिक सहिष्णुता भड्काउने प्रकारका अभिव्यक्ति दिएको भन्दै उनले वर्तमान सरकाको विकल्प खोज्नुपर्ने बताए ।

हेटौँडा उपमहानगरपालिका वडा नम्बर–११ सरस्वतीमा बिपी वाटिकाको उद्घाटन गर्दै उनले प्रचण्ड नेतृत्वको सरकारले सामाजिक द्वन्द्व भड्काउने गरी सडक आन्दोलनमा युवाहरू उतार्ने लगायतका अभिव्यक्ति दिएकोमा आपत्ति प्रकट गरे ।

काँग्रेसले सरकारलाई आफ्नो ट्र्याकमा ल्याउन पहल गर्नुपर्ने उनले बताए । ‘काँग्रेसले सरकारको नेतृत्वको परिवर्तन बारे छलफल तथा पहल अघि बढाउनपर्छ’,उनले भन्नुभयो ।