विराटनगर । नेकपा एमालेका अध्यक्ष केपी शर्मा ओलीले सुशासनका लागि प्रमुख राजनीतिक दलहरु मिलेर अगाडि बढ्नुपर्ने बताएका छन् ।

आज मोरङको विराटनगरमा आयोजित पत्रकार भेटघाटमा बोल्नुहुँदै उनले सुशासनका लागि राजनीतिक शक्तिहरु मिल्नुपर्ने बताउनुभएको हो ।

‘आर्थिक विकासका लागि सुशासनका लागि राजनीतिक शक्तिहरु मिलेर जानुपर्छ । त्यसमा पनि प्रमुख जिम्मेवार राजनीतिक दलहरु मिलेर जिम्मेवारीवोधका साथ अगाडि बढ्नुपर्छ’,उनले भने । उनले अर्थतन्त्र सुधारका लागि काँग्रेस एमाले मिल्ने कुरा नाजायज नभएको बताउनुभयो ।

प्रणालीको रक्षा, त्यसको विकास, संविधानको रक्षा र कार्यान्वयन, अनियमितता, वेथिति, भ्रष्टाचार, तस्करी नियन्त्रण र आर्थिक विकासका लागि प्रमुख राजनीतिक दलहरु मिल्नुपर्ने बताउँदै अध्यक्ष ओलीले भने, ‘हाम्रो सधैंको मान्यता त्यही हो ।’