काठमाडौं । पूर्वप्रधानमन्त्री एवं नेपाल समाजवादी पार्टीका अध्यक्ष डा. बाबुराम भट्टराईले राष्ट्रपति निर्वाचनले नेपाली राजनीतिमा थप कम्पन सिर्जना गर्नसक्ने बताएका छन् । उनले भू–राजनीति थप तात्दै गएको पनि बताएका छन् ।

आमचुनावको तीन महिना नपुग्दै नाटकीय सरकार निर्माण, रवि लामिछाने प्रकरण, सुदूरपश्चिम प्रदेश सरकार पतनका घटनाले देश अर्को अस्थिरताको दुष्चक्रमा फस्न लागेको संकेत गरेको उनले बताएका छन् ।

“राष्ट्रपति निर्वाचनले थप कम्पन ल्याउन सक्छ,” डा. भट्टराईले ट्विटरमा लेखेका छन्, “अर्थतन्त्रका गम्भीर संकट छँदै छन् । भू–राजनीति अरू तात्दै छ । अब पनि द्वन्द्व कि सहमतिको बाटो ?”