काठमाण्डौ = यसवर्षको दशैँ झरीमय बनेको छ । देशका धेरै ठाउँमा पानी परेको छ ।

दशैँको मुख्य दिन आज मान्यजनबाट टीका र आशीर्वाद थाप्ने गरिन्छ  । विगतमा कोरोना महामारीले केही खल्लो भएको दशैँ यसवर्ष धेरै उत्साहका साथ मनाइँदैछ । तर लगातार जसो परिरहेको पानीले टिका थाप्न मान्यजन र आफन्त कहाँ पुग्नेहरुलाई सास्ती भएको छ ।

दशैँमा यात्रा गर्दा सडक तथा खोलाबारे पूर्व जानकारी लिन तथा छाता, बर्सादी बोक्न मौसमविद्ले आग्रह गरेका छन् । प्रदेश एक, मधेश गण्डकी, लुम्बिनी लगायतका प्रदेशमा पानी परेको मौसम पूर्वानुमान महाशाखाले जनाएको छ ।

झापा, सुनसरी, धनकुटा, तेह्रथुम, संखुवासभा, सप्तरी, ओखलढुङ्गा, गोरखा, लमजुङ, तनहुँ, कास्की, पर्वत, बागलुङ, म्याग्दी, पाल्पा, अर्घाखाँची, गुल्मी, नवलपरासी, रोल्पा, रूकुम पूर्व, प्यूठानलगायतका जिल्लामा ठूलो वर्षा भएको छ ।”