गणेश जि.सी.
काठमाडौं । बिगत २३ वर्षदेखि आयात–निर्यातमा संलग्न राइजिङ स्टार कार्गो प्राइभेट लिमिटेड भैरहवा अन्तर्राष्ट्रिय विमानस्थलबाट निकासी व्यवसाय सञ्चालन गर्ने पहिलो कार्गो कम्पनी बनेको छ । हालै सञ्चालनमा आएको यो नेपालको दोस्रो अन्तर्राष्ट्रिय विमानस्थल हो ।

राईजिङ स्टार कार्गोले नेपाली निर्यातकर्तामा उदाहरण कायम गर्न सफल भई निर्यातका लागि भैरहवा विमानस्थल प्रयोग गर्न प्रेरित गरेको छ ।

हाल कुवेतको जजिरा एयरलाइन्सले उडान भर्दै आएपनि अन्य धेरै एयरलाइन्सले भैरहवाबाट उडान भर्न पाइपलाइनमा छन् । यो नेपालको पश्चिमी क्षेत्र नजिक रहेका निर्यातकर्ताहरूका लागि थप लाभदायक हुनेछ र कुनै पनि प्राविधिक समस्याको समयमा (टिआइए) को वैकल्पिक विकल्प हुनेछ।

राइजिङ स्टार कार्गोका प्रबन्धक जीवन पन्तले भैरहवा अन्तर्राष्ट्रिय विमानस्थल पूर्णरुपमा सुविधासम्पन्न रहेको र निर्यातका लागि कुनै पनि बाधा नआउने बताए । उनले सरकारले विदेशी एयरलाइन्सलाई भैरहवा आउन प्रोत्साहन गर्ने र निर्यातकर्तालाई थप प्रोत्साहनको घोषणा गर्नुपर्ने बताए ।