काठमाडौँ । भदौ २४ गते जेनजीको आन्दोलनका क्रममा अरु कैदीबन्दीसँगै रास्वपा सभापति रवि लामिछाने पनि बाहिर निस्केको ४ दिन नबित्दै नख्खु जेल प्रशासनले उनलाई तुुरुन्तै फर्किन भनेपछि उनी पुनः नख्खु जेल जाने भएका छन् ।

रास्वपाका प्रवक्ता मनिष झाले सभापतिले सम्बन्धित पक्षसँग छलफल गरेकाले बोलाउने वित्तिकै फर्किने प्रवक्ता झाले जानकारी दिए । उनले भने, ‘रवि लामिछाने कारागार फर्किन तयार हुनुहुन्छ। आज अपरान्ह कार्यवाहक सभापति ज्यू, जिल्ला प्रशासन प्रमुख र कारागार प्रमुख बिच भेटघाट भएको छ र प्रशासनले खबर गरे पश्चात आउन तयार भनेर जानकारी गराइएको छ।’

कार्यवाहक सभापति डोलप्रसाद अर्यालले लामिछाने भोगेर नभइ आन्दोलनका क्रममा जेलमा हुन सक्ने असुरक्षाका कारण जेल प्रशासनकै निर्णयका आधारमा बाहिर निस्कको दाबी गरेका छन्। आफूले सम्बन्धित निकायसँग पर्याप्त छलफल पश्चात प्रक्रियाअनुसार नै बाहिर निस्कको उल्लेख गरेका छन्।

‘पार्टी सभापति रवि लामिछाने कारागारबाट निस्किने बेलाको साक्षी म छु। पत्र बुझ्ने मै हुँ ,पत्र मेरो अगाडि हस्ताक्षर भएको हो। पत्र फेक होइन, हतार र हतासमा व्यहोराहरू तलमाथि भएको हुनसक्छन्, मिति हामीले सच्याएको होइन। सच्याएको मितिमा हस्ताक्षर र छाप लगाइएको छ।