काठमाडौ । २५६९ औं बुद्ध जयन्तीको अवसरमा सोमबार काठमाडौंको स्वयाम्भु चोकमा राष्ट्रिय संगीतकर्मी संघ बागमती प्रदेश कार्यसमिति र तामाङ चलचित्र संघ बागमती प्रदेशको आयोजना साथै राष्ट्रिय संगीतकर्मी संघ रसुवाको सहभागीतामा झण्डै सात हजार बढी भक्तजनहरु एवम् स्वयाम्भु दर्शनका लागि आउने पर्यटकहरूलाई मिनिरल वाटर र जुस वितरण गरेको छ । ्

बुद्ध जयन्ती र तेमाल जात्रा लगायतका समयमा स्वयाम्भुमा लाग्ने मेला पुजाहरुमा वर्षेनी राष्ट्रिय संगीतकर्मी संघ बागमती प्रदेशले निशुल्क सेवा प्रदान आएकोमा यस वर्ष भने तामाङ चलचित्र संघ बागमती प्रदेशसँग पनि सहकार्यमा सेवा प्रदान गरेको हो । भिड, गर्मीको कारण हुने अप्ठ्यारोलाई मध्यनजर गरि पर्यटक र भक्तजनहरुको सहजताको लागि निशुल्क पानी र जुस वितरण गरेको बताइएको छ । दुईवटा संस्थाले नेपाली कला संस्कृतिको क्षेत्रमा विभिन्न योजना र कार्यक्रमहरु आयोजना गरेर हालसम्म यात्रा तय गरिरहेको संस्था भएको कुरा राष्ट्रिय संगीतकर्मी संघ बागमती का सचिव एवम् तामाङ चलचित्र संघ बागमतीका महासचिव करण तामाङले जानकारी दिएका छन् । सोमबार भएको निशुल्क पानी तथा जुस वितरण शिविरमा संघका दावा फिन्जो तामाङ, करण तामाङ, फुलमाया तामाङ, रिजन पुलामी मगर, उमेश कार्की, चन्द्रमाया मोक्तान दोङ, कुमारी माया घलान, रोशन तामाङ, सुकुमान तामाङ, अनिता नेगी, सुमन घले, रेश्मा दोङ, सावित्री श्रेष्ठ, श्याममाया गुरुङ, रेशम कुमार स्याउली, इशवर सापकोटा, डोल्मा तामाङ, हरि तामाङ, सन्जय तामाङ लगायतका कलाकारहरुले वितरण गरेका थिए भने शिविरको संयोजक दावा फिन्जो तामाङ रहेको बताएको छ । शिविरमा निशुल्क पानी तथा जुस प्रदान गरेकोमा सेवाग्राही खुसी देखिएको थियोे । उक्त शिविर सञ्चालनको लागि आर्थिक सहायता प्रदान गर्ने सम्पुर्णमा आयोजक संस्थाले धन्यवाद ज्ञापन पनि गरेका छन् ।