काठमाडौ । भोली आइतबार तामाङ प्लाजा रिसोर्ट बट्टार नुवाकोटमा हुने राष्ट्रिय संगीतकर्मी संघ जिल्ला कार्यसमिति नुवाकोटको ७औं वार्षिक साधारणसभा, चौथो जिल्ला अधिवेशन तथा वृहत् साँस्कृतिक कार्यक्रमको तयारी पूरा भएको छ ।

जिल्ला भित्रका सम्पुर्ण कलाकर्मी एवम् कलाकारहरुको एकताको निमित्त यो कार्यक्रम निकै महत्त्वपूर्ण भएको मानिन्छ । कार्यक्रममा जिल्ला भित्रका सम्पुर्ण कलाकारहरु संस्थामा आवद्ध रहेर एकताको सन्देश पनि दिने आयोजक टिमले बताएको छ । कार्यक्रम अध्यक्षका रुपमा संस्थाका जिल्ला बरिस्ठ उपाध्यक्ष कलाकार कुमार लामा र प्रमुख व्यवस्थापक भने कलाकार नायक छिरिङ तामाङले सम्हाल्दै कार्यक्रमको तयारी पूरा भएको जानकारी गराएका छन् । उक्त कार्यक्रममा सल्लाहकारका रुपमा संस्थागत व्यवस्थापन सहयोग भने बागमती प्रदेश सचिव करण तामाङले गरिरहेको छ । ूहाम्रो कला र संस्कृति गौरवपुर्ण सान कलाकर्मीको उत्थानको लागि हाम्रो अभियानू नारालाई अघि सार्दै सम्पुर्ण कलाकर्मीहरुको निमित्त वि।सं २०६२ सालमा स्थापना भएको संस्था राष्ट्रिय संगीतकर्मी संघ नुवाकोट जिल्ला कार्यसमिति भने २०७४ मा विस्तार गरिएको थियोे । नुवाकोटमा मात्र हैन नेपालको ७७ वटै जिल्ला, दुबई, कोरिया, अमेरिका, बेलायत, मलेसिया लगायतका देशहरुमा पनि शाखाहरु विस्तार गरिसकेको छ ।

नुवाकोट जिल्ला कार्यसमितिले अघिल्लो अधिवेशन पनि बट्टारमै सम्पन्न गरेका थिए । नुवाकोट जिल्ला भित्रका गाउँ तथा नगरपालिकामा पनि २०७६ बाट विस्तार सुरु गरिएको छ । नुवाकोट भित्र रहेका सम्पुर्ण कलाकर्मीहरुको एकताको निमित्त पनि यो संस्था आवश्यकता देखिन्छ । कार्यक्रम २४ गते बिहान ९ बजेबाट सुरु हुने बताइएको छ । कार्यक्रममा प्रमुख सम्बोधन पुर्व संस्कृति पर्यटन तथा नागरिक उड्डयनमन्त्री तथा प्रतिनिधि सभा सदस्य हित बहादुर तामाङले गर्ने भएको छ भने सँगसँगै विशेष अतिथिका रुपमा बागमती प्रदेश सभा सदस्य रमेश कुमार महत र पुर्व बागमती प्रदेश सभा सदस्य बद्री मैनाली रहेको बताएको छ ।