काठमाडौं । नेपालमा रहेको विभिन्न १५ डिष्ट्रिक्ट मध्य निकै चलाएमान र प्रभावशाली मानिएको लायन्स अन्तराष्ट्रिय डिष्ट्रिक्ट ३२५ के नेपालको चौथो क्याविनेट मिटिङ पर्यटकीय नगरी पोखरामा यही जेष्ठ १९ गते शनिबार हुने भएको छ ।

लायन्स अन्तराष्ट्रिय डाइरेक्टर बालकृष्ण बुर्लाकोटी ज्यू को प्रमुख आथित्यमा सम्पन्न हुने लागेको यो डिष्ट्रिक्टको चौथो क्याविनेट मिटिङमा डिष्ट्रिक्ट अन्तर्गतका करीव ५ सय बढी लायन्स सदस्यहरुको सहभागिता रहने अनुमान गरिएको छ । डिस्ट्रिक्ट अन्तर्गतका लायन्स प्रतिनिधीहरुले क्याविनेट मिटिङमा सहभागी हुन नाम दर्ता गराउने क्रम जारी रहेको रजिष्ट्रेशन कमिटीले जानकारी दिएको छ ।

डिष्ट्रिक्ट ३२५ के नेपालको यो चौथो क्यविनेट मिटिङ ऐतिहासिक हुने डिष्ट्रिक्ट गभर्नर लायन सुचित्रा थापाले बताउनुभयो । क्याविनेट मिटिङमा पिडिजीहरु, क्याविनेटका सिनियर लिदारहरु क्लवका अध्यक्ष तथा क्लब पदाधिकारीहरूको सहभागीता रहने अपेक्षा गरिएको गर्भनर थापाले बताउनुभयो ।

डिस्ट्रिक्ट गर्भनरको होम क्लब लायन्स क्लब अफ पोखरा कुमुद होस्ट क्लब रहेको कार्यक्रमलाई भब्य रुपमा सम्पन्न गर्नका लागि क्लस्टर चिफ सोमिता खड्का संयोजक रहेको मूल आयोजक कमिटी निर्माण गरिएको र क्याबिनेट बैठकलाई भब्य र सब्य बनाउनको लागी विभिन्न बिधामा समिती गठन गरि क्याबिनेट मिटिङ्गको तयारी अगाडि बढाईएको क्याबिनेट सेक्रेटरी शैलेन्द्र दाहाल ले जानकारी गराउनु भयो ।

क्याविनेट बैठक सम्पन्न गर्नका लागि पोखरा क्षेत्रमा रहेका बाग्लुङ, पर्वत, गण्डकीमा सम्पर्क अधिकारी समेत तोकिएको छ । रजिस्ट्रेशनका लागि गण्डकी एरिया संयोजकमा सोमिता खड्का, बागमती एरिया संयोजकमा सन्तोष सर्राफ, बागलुङ एरिया संयोजकमा पार्वती थापा क्षेत्री र पर्वत एरिया संयोजकमा गोविन्द प्रसाद शर्मालाई जिम्मेवारी तोकिएको संयोजक खड्काले बताउनुभयो ।

चौथो क्याविनेट बैंठकमा लायन्सले यस बर्षको कार्यकाल सुरू गरेदेखी एक बर्षिय कार्यकालसम्म सम्पादन गरेका कार्य मुल्याङ्कनका आधारमा सम्मान तथा अवार्डेड समेत गरिने आयोजकको तयारी छ ।

प्रत्येक ३–३ महिनाको अन्तरालमा बर्षभरी हुने चार वटा क्याविनेट बैंठक मध्ये पोखरामा आयोजना गर्न लागिएको यो चौथो बैठक फेलोशिप अवार्ड सेरोमनी बैठकको रुपमा रहेको छ ।