सुरेन्द्र बहादुर खत्री सिलवाल
अहिले २१औं शताब्दीमा विभिन्न धर्म मान्ने मानिसहरु छन् । कसैले कुन धर्म त कसैले कुन धर्म मान्दै आइरहेको हुनाले नेपालमा हिन्दु धर्म मान्नेहरु धेरैको संख्यामा रहेका छन् ।

हिन्दुधर्म संसारको सजिलो धर्म भएको पाइएको छ । संसारको सजिलो धर्म भएको कारण विश्वमा हिन्दु धर्मलाई पढेलेखेका आधुनिक युवा, युवतीले समेत गहनताका साथ अध्यन गर्ने गरेका छन् । हिन्दु शब्द आर्य÷संस्कृत मुल सिन्धुबाट आएको हो,जसलाई भारतीय उप महाद्वीपको उत्तर–पश्चिम भागमा रहेको सिन्धु नदिको नाम मानिन्छ । हिन्दु धर्म सजिलो धर्म भएकोले एक अर्ब ५० करोडभन्दा बढी मानिसहरूले मान्दै र व्यवहारमा प्रयोग गर्दै आएका छन् ।

नेपालमा मात्रै नभएर भारतमा बहुसंख्यक हिन्दु छन भने, बंगलादेश, श्रीलंका, पाकिस्तान, अमेरिका, गयाना, टोबागोे, क्यानाडा, इन्डोनेशिया जस्ता देशहरूमा हिन्दु धर्मका अनुयायीहरूको उल्लेखनीय संख्या पाइएको छ भने कतिपय अन्य देशहरुमा हिन्दु धर्ममा आस्था राख्नेहरुले मन्दिर समेत निर्माण गरी पूजा आजा गर्ने गरेको पाइन्छ ।