काठमाडौं ।लायन्स क्लब अन्तराष्ट्रीय डिस्ट्रिक ३२५ के नेपालको चौथो क्याबिनेट बैठक आगामी २७ गते शनिबार काठमाडौंको यति इभेन्टमा हुने भएको छ । लायन्स वर्ष २०२२–२३ को अन्ततिर हुन लागेको यो क्याबिनेट बैठकमा वर्षभरि भएका कार्यको समिक्षा तथा उत्कृष्ट कार्य गर्ने लायनहरुलाई सम्मान गर्दै फेलोशिप कार्यक्रम हुने डिस्ट्रिक गभर्नर राजेन्द्र कुमार बाटाजुले जानकारी दिनुभयो ।

बागमती क्षेत्र गण्डकी क्षेत्र तथा धौलागिरी क्षेत्रको करिब १००० लायनहरूको उपस्थित हुने चौथो क्याबिनेट मिटिङका संयोजक सरिता श्रेष्ठले जानकारी दिनु भयो । कार्यक्रम सफल पार्नको लागि गण्डकी एरियाको लागि वसन्त गिरी, बाग्मती एरियाको लागि लक्ष्मी थापा, पर्वत एरियाको लागि विषम श्रेष्ठ, बागलुङ एरियाको लागि पार्वती थापा क्षेत्रीलाई संयोजक तोकिएको कार्यक्रमका सहसंयोजक सुनिता मरहट्टाले जानकारी दिनुभयो ।