काठमाडौं । नेपाली कांग्रेस पाँचथरको प्रदेश सभा (ख) मा समाज सेवी एवं युवा नेता सूर्य कुमार दाहालले उमेद्वारी दिने तयारी गरेका छन । दाहालले आफुलाई यस क्षेत्रको बलियो दावेदारको रुपमा उम्मेदवारी घोषणा गरेका छन् । पार्टीका अन्य नेतृत्वहरुको असहयोगका बाबजुत पनि गत स्थानीय तहको निर्वाचनमा आफ्नो वडा तथा गाउँपालिका अध्यक्षमा ३० र ३२ वर्षीय युवा नेतालाई उमेद्वार बनाई अत्यधिक बहुमतले विजय गराउँन सफल भएका कारणले पनि उनलाई यस क्षेत्रको प्रबल दावेदारको रूपमा लिईएको छ ।
उनले पार्टी भित्र आन्तरिक शक्ति संघर्ष बढेको, नीति र निष्ठाको राजनीति मर्दै गएकोले आफूले पार्टी बचाउन उमेद्वारी घोषणा गरेको बताए । उनले थपे “सैद्धान्तिक रूपमा सम्पूर्ण शासकीय अभ्यास मध्ये संसदीय शासन प्रणाली कम खराब ब्यबस्था हो । उत्तम होइन, यसलाई उत्कृष्ट बनाउन लोकतान्त्रिक चरित्र सहितको अभ्यासबाट मात्र सम्भव हुन्छ । हामी कस्तो विकास चाहन्छौं भन्ने कुरा सार्वजनिक शिक्षा, स्वास्थ्य सेवा, यातायात, सुरक्षा र शौचालयको साथै सामाजिक न्याय , सुरक्षा र सदभाव तथा सडक, बजार, खानेपानी, विधुत सेवा, प्रशासनिक सेवा, न्याय सेवा, कृषि सेवा र सुशासनको स्थिति हेरेर भन्न सक्छौं ।”
उनले पार्टीको आस्था ,बिचार र आदर्श बोकेका ब्यक्तिलाई टिकट दिनु पर्ने कुरामा जोडदिंदै पार्टीका अग्रज नेताहरुले आफूलाई अवमूल्यांकन गरेको खण्डमा पार्टीले पाँचथर जिल्लामा नराम्रो परिणाम बेहोर्नु पर्ने र त्यसको सम्पूर्ण भागीदार शीर्ष नेतानैं हुनु पर्ने बताए । कलिलो उमेरदेखि नै राजनीतिमा सक्रिय ४२ वर्षीय दाहाल पाँचथर जिल्ला तुम्बेवा गाउँपालिका वाड नं १ का स्थायी बासिन्दा हुन् ।