सबैलाई आफ्ना बुबाआमाको माया धेरै लाग्छ । भनिन्छ जन्म दिने आमा बुवाको ऋण हजार जुनीमा पनि तिर्न सकिन्न । आफ्ना बुबा रामबहादुर दाहाल र आमा मिना दाहालको माया देखाउन काठमाडौं कालिमाटीका विवेक दाहालले आफ्नो छातीमा आमाबावुकाे ट्याटु खोपाएका छन् ।

४ बर्षअघि उनले आमाको अनुहार छातीमा ट्याटु खोपाए । अर्को वर्ष बुबाको । ट्याटु जोगाउन नजान्दा तीन पटक खोपाउनु परेको उनले अनुभव सुनाए । भने ट्याटु खोपेपछि धेरै हल्लन सुत्दा उठ्दा अन्य ठाँउमा छुवाउन र नुहाउन नहुने रहेछ ।

ट्याटु कोरेको आलो घाउ निको नहुन्जेल होस नगर्दा फेरि बनाउनु पर्‍यो । आमा बुबासँगै उनले आफू जन्मेका समय अंकित घडी बनाएका छन् । सँगै जीवनसाथीकाे नाम समेत लेखाएका छन् ।