गंगा बराल
काठमाडौं । आफ्नो घर परिवारभन्दा ठूलो अरु केही होइन । चाहे राजनीतिमा लागेको होस् वा अरु क्षेत्रमा नै किन नहोस् उसलाई घर परिवार नै प्यारो हुन्छ । घरको कामलाई बिताएर अरुलाई चिताउनु भनेको निकै टाढाको कुरा हो ।
तर अरुभन्दा फरक छन् कलाकार राज घिमिरे । कलाकारिताबाट समाजमा पहिचान बनाएका उनी राजनीति पनि गर्छन् । जसरी होस् समाजमा कुनै न कुनै ढंगले सेवा दिनुपर्छ भन्ने सोचमा रहेका घिमिरेले अप्ठ्यारो पर्दा सबैलाई सहयोग गर्दै आएका छन् । उनको सेवा लिनेहरुले उनलाई एउटा असल अभिभावकको रुपमा हेरेका छन् । ‘आफूलाई जे जस्तो भए पनि अरुलाई कुनै संकट नआओस् भन्ने मेरो लक्ष्य हो, यही अभियानमा लाग्छु’ उनले भने ‘ पैसा भन्ने कुरा सधैं हुँदैन, कहिले आर्थिक सहयोग गर्छु त कहिले अरु प्रकारले सहयोग गरेको छु ।’ ‘चपली हाइट’ चलचित्रबाट अचानक उदाएका कलाकार हुन् राज घिमिरे (९८५१०६२४५७) । आजभोलि आफ्नी आमा मेजर हार्ट अट्रयाक भएर हाल गंगालाल अस्पतालमा उपचाररत हुँदा पनि उनले अरुको उपचारका लागि आर्थिक सहयोग गरेका छन् ।

अस्पतालमा हुँदा पनि उनले भर्खरैमात्र पैसाको अभावमा उपचार गर्न नसकेका गोदावारी नगरपालिका–३ का शेरबहादुर तामाङलाई २० हजार रुपिँया सहयोग गरे । स्थानीय राजु थिङले घिमिरेको सहयोग अतुलनीय रहेको भन्दै प्रशंसा गरे । ‘ म यहाँ आफ्नै समस्यामा छु, कसैलाई पनि मलाई यस्तो परो भनेको छैन, जे आइपर्छ आफैं व्यवहोर्छु’ उनी भन्छन् ‘सजिलो पर्दा त जो पनि हुन्छ, अप्ठ्यारो पर्दा नै मानिसलाई सान्त्वना र सहानुभूति चाहिने रहेछ ।’ ७५ वर्षिया उनकी आमाको ११ दिनदेखि गंगालालमा उपचार हुँदै छ ।
उनी जसलाई जहाँ समस्या छ त्यहाँ पुगिहाल्छन् । उनी आफूसँग प्रशस्तै धनसम्पत्ति भएर अरुलाई सहयोग नगरेको बताउँछन् । ‘मनको धनी हो म, मनले नै सबै पु¥याएको छ’ उनले थपे ‘ म अरुको दुःख देख्न सक्दिन, म पनि दुःखले हुर्किएको हुँ त्यसैले अरुको पीडा भोगेको छु ।’ उनले समाजसेवा गर्नका लागि भनेर कसैसँग आर्थिक सहयोग मागेका छैनन् । उनले गरिब तथा जेहेन्दार विद्यार्थीका लागि मासिक पढाई खर्च पनि उपलब्ध गराउँदै आएका छन् । उनले भोलिको दिनमा कुनै स्वार्थ हेरेर आज सेवामा नलागेको स्पष्ट पार्दै आएका छन् ।
गोदावरी नगरपालीका ३ टौखेलका स्थानीय घिमिरेले आफ्नो निजी खर्चमा सडक बत्ती जडान गरिदिएर गोदावरीलाई झिलिमिली पारेका छन् । उनले आफ्नै खर्चमा १० लाख रुपैंयामा गोदावरी नगरपालिका ३ बियर फ्याक्ट्रीदेखि मन्दिर परिसर र कुण्डसम्म जाने बाटोको लागि बत्ती जडान गरी उज्यालो पारेका हुन् । काम गर्न पद नै हुनुपर्छ भन्ने भनाइलाई उनले साँच्चै नै चुनौती दिएका छन् । उनी कसैलाई अफ्ठ्यारो पर्दा दिनरात केही नभनी पुगिहाल्छन् । कोरोना संक्रमणको दर उच्च हुँदा उनी आफ्नो ज्यानलाई समेत बेवास्ता गर्दै कोरोना संक्रमितलाई अस्पताल लिएर जान्थे । ‘त्यतिबेला त बाँच्नु नै ठूलो कुरा थियो, मलाई पनि डर लाग्नुपर्ने हो तर अरुको पीडा देखेर मैले आफ्नो ज्यानलाई पनि जोखिममा राखें’ उनी भन्छन् ‘ मैले धेरैको ज्यान बचाएँ, घर र समाजले मलाई बाहिर नहिँड्न भने, गाउँवासी त घर बस्नै नदिने अवस्थामा थिए, कोरोना ल्यायो राजले भने, ती सबै दुःख झेलें र म सन्तुष्ट भएँ ।’ उनले पैसाको अभावमा उपचार गर्न नसकेका लागि आर्थिक सहयोग पनि गरे ।
अक्सिजनको अभावमा बिरामी छटपटाइरहेका बेला उनको मन मान्दै मानेन । उनले जहाँबाट पाइन्छ त्यहीँबाट जति पर्छ त्यति नै पैसा तिरेर ल्याउँछु भनेर लागिरहे । गोदावरी नगरपालिका ३ टौखेलका स्थानीय घिमिरेले आफ्नो निजी खर्चमा सडक बत्ती जडान गरिदिएर गोदावरीलाई झिलिमिली पारेका छन् । उनले आफ्नै खर्चमा १० लाख रुपैंयामा गोदावरी नगरपालिका ३ बियर फ्याक्ट्रीदेखि मन्दिर परिसर र कुण्डसम्म जाने बाटोको लागि बत्ती जडान गरी उज्यालो पारेका हुन् ।
‘मेरो अन्तिम श्वास रहेसम्म म समाजसेवामा लागिरहन्छु, समाजलाई केही दिन सकें भने म त्यसै पनि खुशी हुन्छु’ उनी भन्छन् ।