काठमाडौं । राप्रपा नेपालले सर्वपक्षीय सरकार गठन गरी निर्वाचन गर्न माग गरेको छ ।
पार्टीले २०४७ सालको संविधानलाई टेकेर गोलमेच सम्मेलन गर्न माग गरेको हो । गोलमेच सम्मेलनबाट सर्वपक्षीय सरकार बनाउनुपर्ने उसको भनाई छ । पार्टीले आज विज्ञप्ती जारी वर्तमान संविधान र सिस्टम असफल भएको पनि दाबी गरेको छ । शुक्रवार राष्ट्रपतिसमक्ष प्रधानमन्त्री बन्नका लागि दिएका दुवै दाबी जाली र किर्ते भएको पार्टीको ठहर छ । आफूहरुले भनेको माग पूरा नभए पार्टी र जनता सडकमा उत्रने उसले चेतावनी दिएको छ ।
विज्ञप्तीमा केन्द्रीय अध्यक्ष लाक्पा तामाङ, वरिष्ठ नेता विक्रमबहादुर बम र राष्ट्रिय अध्यक्ष प्रदीपविक्रम राणाले हस्ताक्षर गरेका छन् ।