बाघको आक्रमणबाट बर्दियामा तुलाराम घाइते
२०७७ चैत्र १६ गते, सोमबार
बर्दिया । बर्दिया जिल्लाको गेरुवा गाउँपालिका वार्ड नम्बर १ जनकनगर बस्ने २३ वर्षीय तुलाराम थारुलाई पाटेबाघले आक्रमण गरि घाइते बनाएको छ ।
सोमबार बिहान करिब साढे ५ बजे खेतमा पानी चार्न गएको बेला बाघले आक्रमण गरेको हो । घाइते थारुको टाउको, घाँटी र पिठ्युँमा चोट लागेको बर्दिया राष्ट्रिय निकुञ्ज सहायक संरक्षण अधिकृत अशिमकुमार थापाले जानकारी दिए ।
घाइते थारुको अवस्था सामान्य रहेको छ । पाटेबाघले दिनहुँ चौपाया मार्ने गरेको छ । बर्दियामा पाटेबाघको आक्रमणमा परी १० जनाले ज्यान गुमाइसकेका छन् ।
250 Views