भारतमा सिक्किम सरकारले नेपाली चलचित्र कबड्डी-४ को प्रदर्शनमा रोक लगाएको छ । त्यहाँका मुख्यमन्त्री प्रेमसिंह तामाङ गोलेलेविवाद समाधान नहुन्जेलसम्मका लागि राज्यमा कबड्डी-४ को रिलिजमा रोक लगाइएको जानकारी दिएका छन् ।

आफ्नो आधिकारिक फेसबुक पेजमा कबड्डी-४ को रिलिजमा रोक लगाइएको जानकारी दिँदै लेखेका छन्, मुख्यमन्त्री तामाङले ‘विभिन्नसंघसंस्था र संगठन तथा सिक्किमे जनताको भावनालाई मध्यनजर गर्दै सरकारले स्वीकार्य तरिकामा विवाद समाधान नहुन्जेलसम्मकालागि कबड्डी-४ को रिलिजमा प्रतिबन्ध लगाउने निर्णय गरेको छ।’

जेठ १३ गते रिलिज भएको कबड्डी-४ सिक्किमको राजधानी ग्यांगटोक र नाम्चीमा जुन १७ मा रिलिज गर्ने थयारी थियो। तर सिक्किमलामा एसोसियसन तथा अल इन्डिया बुद्धिस्ट फोरमलगायतका संस्थाहरू भने कबड्डी-४ को प्रदर्शनमा रोक लगाउन पर्ने माग राख्दैबएका थिए। उनीहरूले पत्रकार सम्मेलन नै गरी कबड्डी-४ को प्रदर्शनमा रोक नलगाइए हलमा हुने तोडफोड र क्षतिको जिम्मेवारीआफूहरूले नलिने बताएका थिए।

सिक्किमका बौद्ध भिक्षु ओन्डी पिन्टोले पत्रकार सम्मेलनमा भनेका थिए, ‘चलचित्रमा दयाहाङ राईले निभाएको लामाको चरित्रले सम्पूर्णलामाहरूको आस्थामा ठेस पुर्‍याएको छ। यो वास्तवमै बुद्धिज्म र भिक्षुहरूमाथिको अन्याय हो। यसबारेमा सबैले आवाज उठाउनुपर्छ।हामी नेपालमा पनि यो विवाद समाधान होस् भन्ने चाहन्छौँ।’