काठमाडौं । संसारकै ठूलो अनि पुरानो सामाजिक संस्था लायन्स अन्तराष्ट्रीय डिष्ट्रिक्ट ३२५ अन्तर्गत गरेको लायन्स क्लब अफ काठमाडौं बेथेलको संस्थापक अध्यक्ष सानु सुर्खाली श्रेष्ठको तीज गीत यो साल माइती आइन सानु सूर्खाली युटुबमार्फत विश्व बजारमा सार्वजनिक भएको छ ।

विगत २ दशकदेखि निरन्तर लोक संगीतमा लागिरहेकी गायिकाले घरमा समस्या भएका कारण माइती जान नपाएकी चेलीहरुको वेदना माइतीलाई सुनाएको यो गीतमा सुन्न सकिन्छ । सर्जक शिव हमालको मार्मित शब्द जय देवकोटाको संगीत तथा एरेन्जले सजिएको गीतमा सानु सुर्खालीको मिठो स्वर सुन्न सकिने छ।

मदन खड्काको निर्देशनमा तयार रहेको भिडियोमा तारा केसी, गायिका स्वयं, लक्ष्मण चौलागाई , रती खत्री, अन्जान श्रेष्ठ, उज्वल थापा तथा निरुता बयलकोटिको अभिनय रहेको छ । गायिका सुर्खालीको यसभन्दा अगाडिका सेल्फी हान्दै, बटौली, हुइकाउदै गाडीका जस्ता गीतहरू चर्चामा रहेको थियो ।