काठमाडौं | नेपाली लोकदोहोरी संगीत क्षेत्रमा सक्रिय रहँदै आएको Aaira Digital ले नयाँ लोकदोहोरी गीत “गुन भुल्ने मायालाई” सार्वजनिक गरेको छ।

यस गीतमा चर्चित गायक नेत्र भण्डारी र गायिका अस्मिता डल्लाकोटीको सुमधुर स्वर सुन्न सकिन्छ। गीतका शब्द तथा संगीत कृष्ण लामिछानेले तयार गरेका हुन्। गीतको भिडियो निर्देशन मुकेश नेपालीले गरेका छन् भने भिडियोमा कलाकार दीपेन्द्र खड्का र रचना न्यौपानेको आकर्षक अभिनय देख्न सकिन्छ।

उनीहरूको प्रस्तुतिले गीतप्रति दर्शकको उत्सुकता थप बढाएको छ। त्यस्तै, गीतको एरेन्ज महेन्द्र भण्डारी, रेकर्डिस्ट सागर बजुराली, मिक्स/मास्टर खडक बजुराली तथा छायांकन करण चैसिरले गरेका छन्। भिडियो सम्पादन बिनोद बमले गरेका हुन्। लोकदोहोरी प्रेमीहरूका लागि नयाँ स्वाद बोकेको यो गीतले दर्शक तथा श्रोतामाझ राम्रो प्रतिक्रिया पाउने अपेक्षा गरिएको छ।