काठमाडौं । नेपाल सोतोकान कराते डो संघ SKDUN का कराते खेलाडी टोली February १३ तारिखका दिन थाइल्याण्डमा हुने अन्तर्राष्ट्रिय कराते च्याम्पियनशिपका लागि त्यसतर्फ प्रस्थान गर्दैछन् ।

टोलीमा प्रतिस्पर्धी छनौट खेलाडीहरु तथा रेफ्री र कोचलाई नेपाल सोतोकान करातेडो संघको SKDUN को आयोजनामा गोकर्णेश्वर नगरपालिका वडा नम्बर ८ स्थित जोरपाटी इन होटेलमा पत्रकार सम्मेलन गरी उज्यालो नेपाल पार्टीका संस्थापक अध्यक्ष तथा पूर्वमन्त्री कुलमान घिसिङले खेलाडीहरुलाई विदाई गर्नु भएको थियो । घिसिङले खेल राष्ट्रको पहिचान हो खेलाडी राष्ट्रिय गहना हो भन्दै शुभकामना साथै खेलाडीहरुलाई विदाई गर्नु भएको थियो ।

१५ फेब्रुअरीमा थाइल्याण्डको बैंककमा आयोजना हुने थाइल्याण्ड अन्तर्राष्ट्रिय कराते च्याम्पियनसिपमा छनोट भएका खेलाडीहरुमा चित्र प्रसाद श्रेष्ठ–कोच, अंकध्वज परियार–रेफ्री रहेका छन् भने खेलाडीहरुमा क्रमशः बिबेक दुलाल, जानुका देवी मगर, निमा तामाङ, सुशील लामा, सुदर्शन बंजारा, फुर्वा गल्जेन शेर्पा, मिङमार तामाङ, रामनारायण श्रेष्ठ, बिबेन्द्र तामाङ रहेका छन् ।