काठमाडौं । संविधान दिवसका दिन गोकर्णेश्वर नगरपालिका वडा नम्बर ६ स्थित च्छो रोल्पा कन्स्ट्रक्सन कम्पनीको नवनिर्मित भवन पूर्वसञ्चार मन्त्री पार्वत गुरुङ, पुर्व वातावरण मन्त्री विशाल खड्काद्वारा उद्घाटन गरिएको छ ।
उक्त उद्घाटन कार्यक्रमलाई सम्बोधन गर्दै मन्त्री गुरुङले देशभर उत्साह र उमंगका साथ मनाइरहेको संविधान दिवसलाई शुभकामना दिँदै देशमा अहिले सबैले हर्षोउल्लासका साथ संविधान दिवस मनाइरहेको बताए ।

कम्पनीका संस्थापक अध्यक्ष फुर्लाक्पा शेर्पालाइ पनि उत्तरोउत्तर प्रगतीको शुभकामना दिँदै मन्त्री गुरुङले मुलुक निर्माण व्यवसायीहरुको ठुलो योगदान रहेको बताउँदै उनले निर्माण व्यवसायीहरुले धेरै दुःख कष्ट भोगेको समेत बताए । तर यस कम्पनीले विगतमा पनि निकै राम्रो काम गरेको र अहिले पनि गर्दै आइरहेको बताउँदै अबको दिनहरुमा पनि राम्रो काम देख्न र सुन्न पाइनेमा आफू विश्वस्त रहेको बताए ।
अर्का पुर्ववातावरण मन्त्री विशाल खड्काले भेलालाई सम्बोधन गर्दै संविधान दिवसको शुभकामना दिँदै कम्पनीको सफलताको शुभकामना प्रकट गरे ।
त्यसैगरी कम्मनीका संस्थापक अध्यक्ष शेर्पाले नेपालमा पनि काम गरियो भने धेरै कुराहरुको सम्भावना रहेको बताउँदै नेपालमा पनि धेरै रोजगारको अवसरहरु रहेको बताउँदै उनले आफ्नो अनुभव सुनाए ।
‘म बिदेशमा केही समय बसे अर्काको देशमा रगत पसिनाको खासै मुल्य हुदैन, विदेशको बसाइमा मैले सोचे अब म मेरो मुलुक नेपालमा गएर मैले केही काम गर्नुपर्छ त्यो काम के होला त भनेर मेरो मनमा धेरै खुल्दुली हुन्थ्यो तर मैले जानेकोे बुझेको र गरेको काममा अनुभव भएको काम नै ज्यामी काम थियो’ उनले भने ।

आफुले जानेको कामलाइ पहिलो स्थानमा राख्दै आज भन्दा एक दशक अघि मैले कम्पनी दर्ता र निरन्तर त्यही काम अहिले पनि गरिरहेको छु । उनले अगाडि भने– धेरै प्रोजेक्टहरुमा काम गर्ने मौका पाउँ र सफल पनि भएँ । आफ्नै मलुकमा पनि श्रम गरियो भने धेरै कुराको सम्भावना रहेको बताएँ । यस कम्पनीमा अहिले पनि लगभग ३ सय जनाहरुले प्रत्यक्ष रोजगार पाइरहेका छन् साथै नेपालको अर्थतन्त्रमा पनि केही टेवा पुगेको छ अध्यक्ष शेर्पाले बताए ।