सर्वोच्च अदालतको परमादेशबाट बनेको शेरबहादुर देउवा नेतृत्वको सरकारले तोकेको मंसिर ४ गतेको प्रतिनिधिसभा र प्रदेश सभाको निर्वाचनका लागी प्रत्यक्ष तर्फको उमेदवारी दर्ताका लागी केहि घण्टा मात्रै बाँकी रहँदा चुनावी खेल निकै रोचक बन्दै गएको छ ।

प्रमुख प्रतिपक्षी दल नेकपा एमालेले अधिकांश ठाउको प्रतिनिधीसभा र प्रदेशसभा तर्फका उमेदवार फाइनल गरेको छ भने गठबन्धनले पनि भागबण्डा टुंगो लगाएको छ ।

गठबन्धनले भागबण्डा टुंगो लगाए सँगै असन्तुष्टि चुलिएको छ । एमालेमा थोरै र काग्रेसमा धेरैले बागी उमदेवारीको घोषणा गरिरहेका छन् ।

यता नेकपा माओवादी केन्द्रले काठमाडौबाट प्रत्यक्ष चुनाव उठाउन खोजेका नेपाल विद्युत प्राधिकरणका कार्यकारी निर्देशन कुलमान घिसिङले माओवादी केन्द्रको चुनाव चिन्ह हसिया हथौडा लिएर निर्वाचनमा प्रतिष्पर्धा गर्न अस्विकार गरेको खबर छ ।

गठबन्धनको भागबण्डा अनुसार नेकपा माओवादी केन्द्रले काठमाडौँमा ३ वटा क्षेत्रमा भाग पाएको छ ।

त्यस मध्येको काठमाडौँ २ बाट कुलमान घिसिङलाई चुनाव उठाउन खोजे पनि अन्तिममा कुलमान आफैैले माओवादी केन्द्रको चुनाव चिन्ह हसिया हथौडा लिएर चुनाव उठ्न अस्विकार गरेको बताइएको छ ।

माओवादी केन्द्रका अध्यक्ष पुष्पकमल दहाल प्रचण्डले बालेन भन्दा चर्को सेन्टीमेन्ट ल्याउने गरी काठमाडौँमा उमेदवार उठाउने घोषणा पहिलेनै गरिसकेका छन् ।

कुलमानलाई उठाउने दाउ गर्दैै प्रचण्डले यस्तो घोषणा गरेको बताइए पनि कुलमान भने माओवादी केन्द्रको चिन्ह लिएर चुनावमा जान तयार नभएको खबर छ ।

स्रोतले दिएको जानकारी अनुसार कुलमानले आफु स्वतन्त्र निर्वाचन उठ्ने र त्यसका लागी गठबन्धनले सहयोग गर्नु पर्ने सर्त अघि सारेका छन् । कुलमानले यस्तो सर्त सहितको प्रस्ताव ल्याए पछि अब के गर्ने भन्नेमा माओवादी नेतृत्व अलमलमा परेको बताइएको छ ।

काठमाडौं २ मा अहिले पनि ओनसरी घर्ती कि कुलमान घिसिङ भन्ने छलफल जारी रहेको माओवादी स्रोतले जनाएको छ ।माओवादी उच्च स्रोतले दिएको जानकारीअनुसार घिसिङले स्वतन्त्र उमेदवारी दिने, आफ्नो उमेदवारीलाई गठबन्धनले सहयोग गर्नुपर्ने प्रस्ताव राखेका छन् ।

माओवादीले भने आफ्नै चुनाव चिह्नबाट लड्न भनेको छ । त्यसलाई भने उनले अस्वीकार गरेको स्रोत बताउँछ ।माओवादीका एक प्रभावशाली नेता भन्छन्, काठमाडौं २ मा कुलमान कि ओनसरी भन्ने छलफल जारी छ ।

ओनसरीको चाहना नयाँलाई अघि बढाऔँ भन्ने पनि छ । फेरि वर्षमान पुन पनि उमेदवार भएकाले दुई दुई जना चुनाव लड्न गाह्रो हुन्छ कि भन्ने पनि परेको छ । निर्णय भइसकेको छैन । काठमाडौं ७ मा मानुषी यमी र ९ मा हितमान शाक्यले टिकट पाउने लगभग निश्चितजस्तै छ ।

शाक्यले यसअघि १० मा दाबी गर्दै आएका थिए । तर १० कांग्रेसले लिएपछि शाक्य ९ मा चुनाव लड्न तयार भएका हुन् ।

आफुलाई सबै नेपालीले माया गर्ने र कुनै दल विशेषको चिन्ह लिएर जाँदा समर्थक बाढिने र वि,वादमा पर्ने भन्दै कुलमानले माओवादी केन्द्रको चुनाव चिन्ह लिएर चुनावमा जान अस्विकार गरेको बताइएको छ ।