काठमाडौं । गायिका ईश्वरी बरालको नयाँ गीत ‘दही दिन्छु मोही दिन्छु’ सार्वजनिक भएको छ ।
ठाडो भाका र झ्याउरेको फ्युजन गरिएको लोकलयमा आधारित गीत ‘ईश्वरी बराल’ युट्युव च्यानलमार्फत सार्वजनिक भएको हो । गीतमा लोकप्रिय सर्जक दिपक शर्माको शब्द र संगीत रहेको छ । काठमाडौंको अनामनगरमा रहेको ओएभ स्टुडियोमा रेकर्ड गरिएको उक्त गीतको एरेन्ज सविन सुवेदीले गरेका हुन् भने मिक्सिङ /मास्टरिङ नरेन्द्र वियोगीको रहेको छ । म्युजिक भिडियोको निर्देशन केशवराज भट्टले गरेका हुन् ।

भिडियोमा सुरेस कोली, शेखर घर्ती मगर, तिर्सना बराइली र बरालले नृत्य तथा अभिनय गरेका छन् । भिडियोमा कोरियोग्राफी पनि भट्टले नै गरेका हुन् भने सहायक कोरियोग्राफर नविन पौडेल रहेका छन् । लोक, पप, आधुनिक र ¥याप गीत गाउँदै आएकी बरालको लोकलयमा आधारित यो पहिलो गीत हो । उनका यसअघिका ‘नरिसाउन होइ’, ‘खानदानी छोरी’, ‘माया छ कि छैन’ ‘नैना रेसम’ लगायतका गीत चर्चामा छन् ।