स्वतन्त्र तथा नागरिक समाजले नेताहरुका घर–घर तथा सम्बन्धित कार्यालयको मूल गेटमा फो,हर लगेर फाल्ने निर्णय गरेको छ ।

समाजका अगुवा तथा युवाहरुको आइतबारको आकस्मिक बैठकले यस्तो निर्णय गरेको हो ।

काठमाडौं महानगरपालिकाले गर्ने फोहर व्यवस्थापनमा राजनीतिक पार्टी तथा तिनका भ्रातृ संगठनले अवरोध पुर्याएको भन्दै समाजले आज रातिबाट यस्तो अभियान चलाउने निर्णय गरेको हो ।

स्वतन्त्र तथा नागरिक समाजका अगुवाले काठमाडौंबासीहरुलाई आफूनजिकै बास बस्ने विभिन्न पार्टीका नेताहरुको घर तथा कार्यालयको मूल गेटमा फो,हर फाल्न अनुरोध समेत गरेको छ ।

समाजले सोमबार बिहान १० बजे सिंहदरबारअगाडि, ११ बजे संसद भवनअगाडि, १२ बजे प्रधानमन्त्री कार्यालयअगाडि र २ बजे राष्ट्रपति कार्यालयअगाडि फोहोर फाल्ने कार्यक्रम तय गरेको छ ।

यस्तो छ बैठक पछी जारि गरिएको नोट – फो,हर अब नेताहरूको घरदैलोमा थान्को लगाउने!

स्वतन्त्र तथा नागरिक समाजका अगुवा तथा युवाहरुको आज बसेको आकस्मिक बैठकले काठमाण्डौँ महानगरपालिकाले गर्ने फोहर व्यवस्थापनमा राजनैतिक पार्टीहरु तथा तिनका भातृ संगठनहरुले पुर्याएको अवरोधलाई मध्यनजर गर्दै आज रातिबाट नेताहरुका घर​-घर तथा सम्बन्धित कार्यालयहरुको मूल गेटमा फो,हर लगेर फाल्ने सम्बन्धी व्यापक अभियान चलाउने निर्णय गरेको छ​।

तसर्थ​, सम्पूर्ण काठमाडौबासीहरुलाई आफू नजिकै बास बस्ने विभिन्न पार्टीका नेताहरुको घर तथा कार्यालयको मूल गेटमा फोहर फाल्न हार्दिक अनुरोध गर्दछ​।

विरोधका कार्यक्रमहरु तथा फोहर फाल्ने स्थानहरु; १० बजे सिंहदरबार​ , ११ बजे संसद भवन​ , १२ बजे प्रधानमन्त्री कार्यालय​, २ बजे राष्ट्रपति कार्यालय