एजेन्सी । इरानमा सरकार विरोधि प्रदर्शनमा ब्यापक दमन भएको छ। पछिल्लो ११ घन्टामा २ हजार भन्दा बढी मानिसहरु मारिएको र हजारौं घाइते भएको जनाइएको छ।

साथै सयौं मानिसहरु पक्राउ गरिंदा जेलहरु पनि भरिएको अन्तर्राष्ट्रिय सञ्चार माध्यामले जनाएका छन्। यद्धपि इन्टरनेटहरु काटिएका छन् भने अन्तर्राष्ट्रिय सञ्चारमाध्यामहरुलाइ प्रवेश नदिंदा मृतकहरुको एकिन विवरणहरु कति हो भन्ने बारे फरक(फरक संख्या आइरहेका छन्।

बीबीसीले इरानका अस्पतालका कर्मचारीहरूसँग विवरणहरु माग गर्दा घाइते र मृतकका शबले अस्पतालहरु भरिएको जानकारी पाएको जनाएको छ। तेहरानको एक अस्पतालमा कार्यरत एक स्वास्थ्यकर्मीले युवाहरूको टाउको र छातीतर्फै लक्षित गरी सिधा गोली हानिएको जानकारी दिए। उनले सबहरु अस्पतालमा खात लागेको जानकारी दिएका थिए।

राजधानीको एक आँखा अस्पतालमा काम गर्ने अर्का चिकित्सकका अनुसार त्यहाँ आपतकालीन अवस्था ९क्राइसिस मोड० घोषणा गर्नुपरेको जनाइएको छ। घाइतेहरुको संख्या उल्लेख्य हुँदा रगत अभाव भएको छ भने प्राथमिक उपचारबाट समेत सयौं घाइतेहरु बन्चित भएको बताइएको छ।

शुक्रबार अमेरिकाले प्रदर्शनकारीको हत्या गरिएमा त्यसको जवाफ सैन्य कारबाहीबाट दिइने चेतावनी दोहोर्यालएको थियो। उता इरानले भने शान्तिपूर्ण प्रदर्शनलाई ‘हिंसात्मक, विध्वंसात्मक गतिविधि र व्यापक तोडफोड’ को आरोप अमेरिकामाथि लगाएको छ।

हालैका दिनहरूमा इरानमा प्रदर्शनमा सहभागी भएका केही व्यक्तिहरूलाइ उदृत गर्दै सीएनएनले तेहरानका सडकमा अपार भिड र अत्यन्तै निर्मम हिंसाका कारण सयौं मानिसहरु केही घन्टामै मारिएको दावि गरेको छ। एक महिलाको भनाइ उदृत गर्दै सिएनएनले भन्यो ‘एकअर्कामाथि थुप्रिएका शवहरु’ देखिन्छन्।

शुक्रबार इरानको राजधानीका सडकमा सबै उमेर समूहका मानिसहरू प्रदर्शनमा उत्रिएका छन्। तर शुक्रबार राति सैन्य राइफल बोकेका सुरक्षाकर्मीले धेरै मानिस मारिदिएको दाबी गरिएको छ। डिसेम्बर २८ मा तेहरानका बजारहरूमा तीव्र महँगीविरुद्ध सुरु भएका प्रदर्शनहरू अहिले १०० भन्दा बढी सहरहरुमा फैलिएका छन्। यसलाई पछिल्ला वर्षहरूमा इरानी शासनका लागि सबैभन्दा ठूलो चुनौतीका रूपमा हेरिएको छ।

अमेरिकी विदेशमन्त्री मार्को रुबियोले शनिबार अमेरिकाले इरानका जनताको समर्थन गर्ने बताएका छन्। यसअघि राष्ट्रपति डोनाल्ड ट्रम्पले सुरक्षा बलले प्रदर्शनकारीको हत्या गरे इरानमाथि आक्रमण गर्ने चेतावनी दिएका थिए।

प्रदर्शनकारीहरूले यो स्तरमा सडकमा उत्रिएका मानिसहरूको संख्या आफूहरूले जीवनमा कहिल्यै नदेखेको दाबि गरेका छन्। साथै हजारौं मानिसहरुलाइ पक्राउ गरेर जेल हाल्दा जेल समेत भरिन थालेको टाइम्स अफ इजरायलले बताएको छ।