ललितपुर । ललितपुर जिल्लाको दक्षिणी भेग महांकाल गाउँपालिका–२, कालेश्वरमा बुबा बिक्रम बहादुर वाईबा र आमा ठूलीमाया लोप्चनको कोखमा विक्रम संवत् २०५० असोज २ गते जन्मेकी हुन् सुनिता वाईबा ।

कला तथा अभिनय क्षेत्रमा स्वईच्छाले आएकी बताउने सुनिताले पहिलोपटक काठे गितको भिडियोबाट अभिनय क्षेत्रमा शुरुआत गरेकी हुन्, जुन गीतमा शुभश्रि लुंगेली र अमृता लुंगेलीको स्वर रहेको थियो भने रामचन्द्र श्रेष्ठको संगित थियो । कला संगीतले समाजमा आफुलाई चिनाउने माध्यम बताउने सुनिता आफ्नो मौलिक संस्कारलाइ कला संगीतबाट चिनाउन, पहिचान बनाउन सकिनेमा जोड दिंदै कलाकर भनेको राष्ट्रको गहना बताउँछिन् उनी । कला÷गीत÷ संगीत÷अभिनय क्षेत्रमा लाग्नेहरुको जीविका निर्वाह सम्बन्धित क्षेत्रबाटै भएको होला त भनी जिज्ञासा राख्दा यसमा यसै हो भन्न नसकिने र कसैको हुन पनि सक्ला कसैको हुँदैन किनकि कतिपय कलाकारहरुले कला भन्दा अरु काम गरी जिविकोपार्जन गरिरहेको देखिएको बताउँछिन् सुनिता ।

यहाँको विचारमा कला÷गीत÷संगीत÷अभिनय क्षेत्रलाई राज्यपक्षबाट के कस्तो सहयोग भईरहेको छ र राज्यले के व्यवस्था गरिदिए हुने थियो जस्तो लाग्छ भन्ने अर्काे जिज्ञासामा अहिलेसम्म त राज्यको ध्यानाकर्षण नै छैन । कला संगीतलाई पनि राज्यले हेरिदियो भने आफु जस्ता धेरै कलाकारलाई हरेक कुरामा सहयोग र सुरक्षा मिल्ने, राज्यले कलालाई पनि एउटा स्थान दिए आजसम्म कोही कलाकार भोकै बसेको देख्न पर्दैन थियो भन्दै आफ्नो कला छोडेर विदेशीन बाध्य हुने थिएन र आफ्नै देशमा बस्न पाउने र कलालाई अझ फराकिलो बनाएर देशको नाम विश्वसामु चिनाउन पाउने थियो भन्दै कानुनी रुपमा व्यवस्थित हुनुपर्नेमा जोड दिन्छिन् उनी ।

ललितपुरको दक्षिणी भेगमा जन्मेर अहिलेसम्म ३८ वटा गीतहरुमा अभिनय गरिसकेकी छिन् सुनिताले । आफ्नै शब्दमा तीनवटा एल्बम बजारमा ल्याईसकेकी सुनिताको शब्दमा अरुले नि गायका छन् । बढी जसो दोहोरी गीतहरु जस्तै पलपल, कल्पनामा आकाशको जुन छुन्छु, म्हेन्दो माया, गिम्दि गाउँ, दक्षिण ललितपुर, तारेभिर, ढिकीच्याउ, ठूलादुर्लुङगाँउ जस्ता गीतहरुमा सशक्त अभिनय गरेकी छिन् सुनिताले ।

अबको लक्ष्य के होला भनी राखेको जिज्ञासामा गीत संगीतलाई नै निरन्तरता दिने बताउने सुनिता कला÷गीत÷संगीत÷अभिनय क्षेत्रमा अब आउन चाहनेहरुलाई कला संगीत राम्रोसँग सिकेर बुझेर आउनु सल्लाह सुझाव दिन्छिन् । (साभारः समयदृष्टि साप्ताहिक)