पछिल्लो समय निकैनै लोकप्रिय बनेको भिडियो एप ‘टिकटक’ले युवापुस्ता देखि वृद्ध वृद्धालाई समेत आकर्षित गरेको छ ।

छोटो भिडियो निर्माण गरेर आफ्नो प्रतिभालाई अरुमाझ देखाउन सकिने टिकटकलाई धेरैले मनोरञ्जनको साधनको रुपमा प्रयोग गर्दै आइरहेका छन ।

म्युजिकलि नामको एपलाई चिनियाँ कम्पनीले किनेर टिकटक नामाकरण गरेर सञ्चालनमा ल्याएपछि यसको प्रयोगकर्ता ह्वात्तै बढेको हो ।

कस्तो अचम्म ! बिश्वास नै नलाग्ने भन्या, बाग्लुङ निवासी बिष्णु गिरीले अफ्रीका पुगेर नेपाली गीतमा अफ्रीकानहरुलाई नचाएका छन ।

अफ्रीकानहरुलाई उनले नेपाली पोसाक लगाउन लगाएर नेपाली गीतमा नै नचाएका भिडियोहरु यतिबेला सामाजिक संजालमा जताततै भाईरल बनेका छन ।

आजभन्दा १० बर्षअगाडि रोजगारीको शिलशिलामा अफ्रीका पुगेका बिष्णु गिरीले नेपाली गीतना अफ्रीकान हप्सीहरुलाई छमछमी नचाउने गरेका छन ।पछिल्लो १ बर्षदेखि उनी टिकटकमा यत्रतत्र सर्बत्र भएका छन । अफ्रीकान नागरिकहरुलाई उनले नेपाली पोसाक लगाएर नेपाली गीत गाउन समेत लगाएका छन ।