काठमाडौं । आज मार्च ८ अर्थात् १११ औं अन्तर्राष्ट्रिय श्रमिक महिला दिवस, ‘महिलाको सुरक्षा, सम्मान र रोजगारः समृद्ध नेपालको आधार’ भन्ने राष्ट्रिय सङ्कल्पका साथ हामी नेपालमा यस वर्षको अन्तर्राष्ट्रिय महिला दिवस विभिन्न कार्यक्रमको आयोजना गरी मनाइँदैछ।
सन् १९११ मार्च ८ का दिन नारी आन्दोलनकी अभियान्ता क्लारा जेटकिनले महिला कामदारमाथिको श्रम शोषणबिरुद्ध आवाज उठाएको दिनको सम्झनामा आजको दिन महिला दिवस मनाउन थालिएको हो । अमेरिकाको सोललिस्ट पार्टीले सन् १९०९ को फेब्रुअरी २८ मा महिला दिवस मनाएको थियो । युरोपका केही देशहरुले सन् १९११ मा मार्च १९ का दिन महिला दिवस मनाए । सन् १९१३ देखि मात्रै मार्च ८ कै दिन विश्वव्यापी रुपमा मनाउन थालिएको हो ।
महिला हक अधिकारको माग गर्दै भएको प्रारम्भिक आन्दोलनको स्मरण तथा महिला अधिकारको संघर्षको दिनका रुपमा ८ मार्चलाई लिने गरिन्छ ।
अन्तर्राष्ट्रिय श्रमिक महिला दिवसका अवसरमा महिला बालबालिका तथा ज्येष्ठ नागरिक मन्त्रालय, बिभिन्न राजनैतिक दलआबद्ध महिला संघरसंगठन, महिला अधिकारका क्षेत्रमा काम गर्ने विभिन्न संघ संस्थाहरुले र्याली, गोष्ठी, सभालगायतका कार्यक्रमको आयोजना गरेका छन् ।